|
Rustem
Cûdî, endamê Konseya Rêveber a KCK’ê; her wiha
endamê Meclîsa PKK’ê bû; di 10’ê cotmehê de
bi heft hevalên xwe ve di êrîşa hewayî ya li ser
Xakurkê û Xinêrê de jiyana xwe ji dest da.
Rustem Cûdî ji aliyê her kesî ve dihat naskirin;
jiyan û têkoşîneke Wî ya dûr û dirêj hebû; di
heman demê de kesayetek şoreşger bû.
Rustem Cûdî...
Heta sala
1987'an, ango berî ku tevlî Tevgera Azadiya
Kurdistanê bibe, malbat û derdora wî, Ew weke
Rustem Osman nas kir.
Di sala 1965'an
de li Rojavayê Kurdistanê, gundê Dibisê yê
Serêkaniyê hat dinyayê. Perwerdeya xwe ya
dibistana seretayî, navîn û lîse li Serêkaniyê
qedand.
Rustem Osman, di
nav malbatek welatparêz de mezin bû û ji bo
îmtihanên mezûniyetê çû Şamê. Li wir, li
“Dibistana Bilind a Ziraetê”, dest bi xwendinê
kir. Wê demê xwe nêzî tevgerên çepgir kir.
HPG’ê di
daxuyaniya xwe de weha behsa vê pêvajoyê dike:
“Hêza Heval Rustem her tim hebû ku lêkolîn û
lêpirsînên hûr û kûr bike. Tu tiştek bi hêsanî
weke rastiyê qebûl nedikir û bi lêkolînkirinên
dûr û dirêj dida pey rastiyan. Jixwe yê ku
Rustem Osman kir Rustem Cûdî jî ev aliyê wî bû.
Di Sala 1987'an
de piştî ku di civînekê de Rêberê Gelê Kurd
Abdullah Ocalan nas kir, jiyana wî ya şoreşgerî
ya profesyonel dest pê kir. Rustem Cûdî, biryara
tevlîbûna nav Tevgera PKK'ê da û perwerdeya xwe
ya destpêkê, di sala 1989'an de li Akademiya
Mahsûm Korkmaz a Lubnanê dît.
Her tim bi
erk û wezîfe tevgeriya
Di daxuyaniya
HPG'ê de pêvajoya piştî vê wiha tê vegotin: "Ji
ber terzê jiyana xwe ya bi prensîp û bi zanebûna
xwe ya kûr, di nav xebatên gel de, di demeke
kurt de hat wê astê ku xebatên di asta
rêveberiyê de bi rê ve bibe. Paşê jî destpêkê
derbasî eyaleta GAP'ê dibe. Li wir jî di sala
1993'an de dibe Fermandarê Eyaletê. Ji wir pê ve
demeke dirêj li herêma Botan-Gabarê bi awayekî
aktîf kar û barên gerîllatiyê dide meşandin. Li
Gabarê, bi taybet li deştên weke Bişêrî, Êlih,
Misircê, cihê ku lê negeriyabe û qada bi
rêxistin nekiribe nemaye. Heval Rustem, di sala
1995'an de tevlî 5. Kongreya PKK'ê dibe û dîsa
derbasî Gabarê dibe."
Rustem Cûdî,
heta sala 1998'an li herêma Botanê dimîne û
piştre li qadên cuda yên têkoşînê cihê xwe digre.
Demeke dirêj li
qada Rûsya xebat da meşandin û paşê dîsa
vegeriya çiyayên Kurdistanê.
Weke endamekî
kongrê li dijî xeta tesfiyekar, yek ji wan
milîtanan e ku herî bi biryar sekna xwe nîşan
daye.
“Yek ji
milîtanên herî baş e”
29'ê Mijdara
2004'an, dema Meysa Bakî û çar hevalên Wê li
Mûsilê di encama komployekê de jiyana xwe ji
dest dan Rustem Cûdî bi van gotinan moral da
gel: “Şehîd rûmeta me ne û erkên mezin didin ser
milên me. Şehîd, egera me yên birêvebirina
têkoşînê ne”.
Rêber Apo, ji bo
Rustem Cûdî dibêje: “Yek ji milîtanên herî baş
e.”
Wî jî di
roportajek xwe de digot ku wî parêznameyên
Ocalan her tim ji bo xwe esas girtine û di vir
de balê dikişîne ser guhertina zîhniyetê.
Endamê Konseya
Rêveber a KCK'ê Rustem Cûdî, ji nûbûn û
guhertinê re vekirîbû û li kîjan deverê pêdivî
heba li wê derê milîtaniya PKK'ê dikir.
HPG kesayeta
Rustem Cûdî wiha îfade dike:
Dema mirov behsa
Rêheval Rustem Cûdî dike, tişta herî zû tê hişê
mirovan ev e: Milîtanek bi disîplîn, xwedî
prensîp, xwedî zanebûnek dîrokê ya kûr, fêrkarek
pir mezin û hêja; sosyalîst û bi hurmet bû.
|
