::::::::::::::::::::::
Wekî hûn dizanin; tengasiyên kevin, ev
tengasiyên der barê bêhnsitandina jorîn hê
jî heye, pir jî ne girîng e. Parêznameya min
gihîştiye we, bê kêmanî û bi temamî
gihîştiye we, baş bûye. Ez dixwazim di
mijara nivîsîn û kirina pirtûk a parêznameya
min de van diyar bikim. Der barê parêznameya
dawî û beşa wê ya redaksiyonê de tişteke ku
bipirsin an jî mijareke ku kêm dibînin hebe,
hûn ê di hefteyên li pêşiya me de agahî
bidin min. Ger rewşeke der barê şiklê
pirtûkê an jî tiştekî ku ji min bixwazin û
pêwîst bike ku ez ji wan re bi awayê pêvek (ek)
binivîsîm hebe, hûn ê agahiya vê bidin min.
Ger pêwîst bike, ez ê hin tiştan binivîsîm,
wan jî lê zêde bikin. Di mijara çêkirina
pirtûk a vê parêznameya min de, divê bi
misogerî bi min re di nava danûstandinê de
bin û were şêwirîn, wisa were çêkirin. Der
barê vê de, di hefteyên li pêşiya me de ez
werim agahdarkirin, wê baş be.
Ez dixwazim di jimara protokolan de van
diyar bikim. Der barê protokolan de di raya
giştî de şaş têgihîştin û fêmkirinek çêbibû.
Karayılan jî behs kiriye. Tiştên ku ez ê di
vê mijarê de bêjim, parvekirina wan bi raya
giştî re wê baş be. Çawa ku protokol di raya
giştî de şaş hatiye fêmkirin, ne tişteke ku
ji aliyê me û dewletê ve bi awayê beramber
hatiye mohr kirine. Di protokolan de
mohrkirin çênebûye. Di van mijaran de
şaş fêmkirinek çêbûye. Protokol ne bi awayê
mohrkirina beramber, bi awayê metneke der
barê çareseriyê de ku li ser lihevhatin
hatiye çêkirine. Protokol; metnên çareseriyê
û protokolên çareseriyê yên pêşîlêveker,
pêşxistînerê çareseriyê û der barê
çareseriyê de me bi dewletê re li hev kiriye
û em ê girêdayî bimînin in. Protokol; der
barê gavên pratîk û berbiçav ên ku pêwîste
di pêvajoya li pêşiya me de werin avêtin in.
Mohrkirina protokolan çênebûye, hê em
nehatine wê qonaxê. Hê jî, bi heyetê re
hevdîtin û xebatên li ser protokolan dewam
dikin û li ser tê xebitîn.
Bila dîroka 15’ê Tîrmehê ya ku
me berê behs kiriye, şaş neyê fêmkirin.
Sedema gotina me ya 15’ê Tîrmehê, ji ber ku
dîroka hevdîtina dawî ya ku em ê bi heyetê
re bikin, dîrokek nêzî 15’ê Tîrmehê bû.
Jixwe, hevdîtina ku em ê îro bi heyetê re
çêbikin, me zûtir pêk anî. Ji bo min ya
esasî ev hevdîtin bû, ne dîroka 15’ê Tîrmehê.
Ji bo ku ev hevdîtin jî me îro pêk anî, êdî
ji bo min wate û hikmeke 15’ê Tîrmehê
nemaye. Ez ê der barê hevdîtina ku me
îro bi heyetê re çêkiriye de, we jî agahdar
bikim. Di hevdîtina herî dawî ya ku me îro
bi heyetê re çêkir de, gava pratîkî ya herî
girîng û ya ku pêwîste were avêtin û me li
ser lihevkiriye, der barê çêbûn-avakirina
Konseya Aştiyê de ye. Em der barê
avakirina Konseya Aştiyê de bi heyetê re
gihîştine lihevkirinekê. Jixwe ev rewş di
protokolan de jî cih digire. Avakirina
Konseya Aştiyê, gava herî girîng a berbiçav
a ku pêwîste were avêtin û wê bê avêtin e.
Divê bi misogerî Konseya Aştiyê were
avakirin. Konseya Aştiyê, wê ne bibe
saziyeke fermî ya dewletê ne jî bi tenê
saziyek sivîl be. Konseya Aştiyê, wê ji bo
xebatên aştiyê, pêkhatina aştiyê û
çareseriyê bixebite. Divê di demeke bi qasî
mehekê, yan jî ji mehekê kintir de Konseya
Aştiyê were avakirin.
Mijara din a dûyemîn û ya herî girîng jî,
der barê avakirina Konseya Destûra
Bingehîn de ye. Konseya Destûra
Bingehîn, wê xebatên çêkirina destûra
bingehîn bimeşîne. Konseya Destûra Bingehîn,
wê nebe meclîseke cuda ya bi awayê “Meclîsa
Destûra Bingehîn”, divê bi awayê meclîsa
klasîk neyê fêmkirin. Konseya Destûra
Bingehîn, konseyeke ku wê xebatên çêkirina
destûra bingehîn a nû bimeşîne ye. BDP
jî, wê di nava vê konseyê de cih bigire û
van xebatan bimeşîne. BDP jî, wê di xebatên
çêkirina Destûra Bingehîn de cih bigire û
van xebatan bimeşîne. Dikare nêzî 130
endamên vê konseyê çêbibin. Dikare 25-30
endamên BDP’ê jî di nav vê konseyê de cih
bigire. Der barê destûra bingehîn de xebatên
din jî hene, lê ya ku min eleqedar dike Blok
e.
Wê krîza sondê çawa were
derbaskirin? Ez nizanim, wê ev krîz çareser
bibe an nebe. Lê belê divê BDP wekî berê
neyê lîstokan. Wekî me berê got; dikare bi
lihevkirineke bi hikumetê re sond bixwin.
Divê ev lihevkirin bi misogerî nivîskî be,
ez metneke nivîskî dixwazim. Metna
lihevkirinê ya ku wê çêbikin, dikare bi
protokolên me re heman be, yan jî ev
protokol werin berfirehtirkirin. Dikare hin
tişt jî lê werin zêdekirin û metin were
çêkirin. Bo mînak; dikare li van protokolan
mijarên weke; rewşa Hatip Dicle, berdana
pênc wekîlên din ên girtî, berdana
KCK’yîyan, heta berdana hemû girtiyan,
daxistina benda hilbijartinê ya ji sedî deh
û guhertina TMK’ê (Qanûna Tekoşîna Li Dijî
Terorê) werin zêdekirin. BDP, ji bo vê metna
lihevkirinê ya nivîskî, dikare zêde zêde
nîqaş bike, lêhûrbûn bike û xebatan
bimeşîne. Dibe ku wisa tavilê meseleya Hatip
Dicle û meseleyên din neyên çareserkirin û
berdan çênebin. Lê belê ji bo bicihanîna van
şert û mercan, di nava demê de tiştên ku wê
dewlet-hikumet bikin, bi metneke nivîskî ve
were girêdan û bi demê re werin bicihanîn.
Bi vê metnê re, ji bo ku ev pirsgirêk di
siberojê de werin çareserkirin, wê
lihevkirinek çêbibe. Ev lihevkirin, ji bo
çareseriya pirsgirêkan wê bibe pêşîlêveker û
pêşxistînerê çareseriyê. Ne çêkirin, an ne
çêkirina protokoleke bi hikumetê re ya der
barê krîza sondê ya CHP’ê de jî, ya ku di
esas de min eleqedar dike Blok e.
Der barê vê lihevkirina nivîskî de, bi
heyetê re hevdîtinên me çêbûn. Ez bawer
nakim ku dewlet wê di vê mijarê de zêde jî
tengasiyan derxîne. BDP, dikare ev metna
lihevkirinê ya nivîskî ya ku wê amade bike,
ji birêz Cemil Çiçek re bibe. Selahattin ew
jî; ne bi zimanekî şerker, dikarin bêyî ku
yê li beramberî xwe biçûk bixe û bi awayek
mutewazî têkîliyan çêbikin. Cemil Çiçek jî,
dikare vê qebûl bike û ev metna lihevkirinê
bi hikumetê jî bide qebûlkirin. Jixwe, wekî
ku di çapemeniyê de derket, birêz Cemil
Çiçek jî dibêje; pirsgirêka yekemîn a herî
girîng a ku divê were çareserkirin,
pirsgirêka Kurdan e. Dikare di vê mijarê de
ya dikeve ser milên wî pêk bîne. Ger bi vî
awayî, lihevkirineke nivîskî were çêkirin,
BDP jî wê sond bixwe û tevlî Meclîsê bibe,
bixebite. Ez di xebatên wan de serkeftinê
dixwazim.
Di mijara Partiya Sîwan de
wekî ku min berê got; dikare Tirkiye li
20-25 herêman were beşkirin. Bo mînak;
herêma Derya Reş dikare bi awayê; Rojhilat,
Navîn û Rojava li sê herêman beş bikin.
Stenbol, dikare bibe herêmek. Ege, dikare
bibe sê herêm. Û cihên din jî, dikare wisa
li gorî rewşa wan ên civakî, aborî û çandî
li herêmên wiha werin beşkirin. Bo mînak;
Kurdistan, dikare li heft herêman were
beşkirin. Bi vî awayî, dikare Tirkiye li
20-25 herêman were beşkirin. Armanca min ji
vê, HERÊMTÎ ye. Wê herêmtî esas were girtin.
Bo mînak; wê du-sê bajar bibin yek û
konferansên xwe yên herêmî çêbikin. Di van
konferansên herêmî yên ku werin çêkirin de,
dikare ji bo her herêmê 20-25 delegeyên ku
ji wê herêmê ne û li wir rûdinin, were
hilbijartin. Hejmara yên ku ji herêmê werin
hilbijartin wê nêzî 400’î be. Lê belê wekî
min got; di konferansên herêmî yên werin
çêkirin de yên ku werin hilbijartin, divê bi
misogerî yên ji wir û yên li wir rûdinin
bin. Divê ev bi misogerî wisa be. Bo mînak;
wê li Stenbolê konferansa herêmî çêbibe, wê
demê yên Stenbolî, wê kesên ku li wir
rûdinin hilbijêrin. Wê li Deryaya Reş
konferansa herêmî çêbibe, yan jî li Botanê
çêbibe, bi heman awayî wê yên ku ji wir in û
li wir rûdinin, werin hilbijartin. Bi vî
awayî, wê bi hilbijartina herêmî nêzî 400
kes, werin hilbijartin û diyarkirin. 100
kesên din jî, dikare ji kesên pispor,
akademîsyen, rêxistinên civaka sivîl,
sendîka û beşên din, werin diyarkirin. Bi vî
awayî, wê Kongreyeke 500 kesî were
avakirin. Ev Partiya Sîwan a ku were
çêkirin, tenê nabe Kongre yan jî tenê bi
awayê Partî jî çênabe. Bi awayê hem Kongre
hem Partî, wê bi awayê nîv-Kongre be. Min
berê ji bo vê Partiya Sîwan, navê Partiya
Civatên Demokratîk pêşniyar kiribû. Lê belê
ez îro cara yekem navekî ku guncavtir
dibînim, pêşniyar dikim: PARTIYA-KONGREYA
NETEWA DEMOKRATÎK. Sedema ku ez xêzîkê
(tîreyê) dixim navberê, ji ber ku ne tam
Kongre ne jî tam Partî ye. Wê bi awayê nîv
Kongre be. Di heman demê de ji bo ku li gorî
mijara qanûnî ji hêla hiqûqî ve çêbibe û
hebûna wê ya hiqûqî were qebûlkirin, dikare
weke partî bi awayê Partiya-Kongreya
Netewa Demokratîk were avakirin. Bi vî
awayî, wê ji hêla hiqûqî ve hebûna wê jî,
bibe. Ya rastî, wê destûra bingehîn û
qanûnên din jî werin guhertin. Lê belê niha
bi vî awayî, wê ji hêla hiqûqî ve jî çêbibe.
Ev Partî-Kongre, di heman demê de
wê yek jî Meclîsa Partî-Kongreyê ya
100 kesî hebe. Ev 100 kes, wê ji nav endamên
Kongreya 500 kesî were hilbijartin. Piştî ku
Meclîsa Partî-Kongreya Netewa Demokratîk hat
avakirin, wê sê mehan carekê bicive û
xebatên xwe bi vî awayî bidomîne. Wekî din,
yek jî wê Rêveberiya 25 kesî ya vê
Partî-Kongreyê hebe. Ev Rêveberiya 25 kesî,
wê bi awayê Konsey bixebite. Serokatiya vê
Partî-Kongreyê jî, jixwe wê bi awayê Serokê
Giştî-Hevseroktî be. Dibe ku hevseroktî jî,
ji parlementerên niha werin hilbijartin. Lê
belê hevserokên BDP’ê nabin hevserokên
Partî-Kongreyê, kesên ji wan cudatir wê
bibin hevserok. BDP, wê hebûna xwe bidomîne,
ez bawerim BDP wê bi hevserokên kevin
bidomîne. Lê belê hevserokên ku ji bo
Partiya Sîwanê bên hilbijartin, wê ne
hevserokên BDP’ê bin, wê du parlementerên
hatine hilbijartin bin. Bi vî awayî, wê
Bloka Netewa Demokratîk were çêkirin. Di vê
blokê de divê hemû derdorên çep û sosyalîst
hebin. Jixwe sê endamên çep û sosyalîst jî
hatin hilbijartin. Sê kesên ku hatine
hilbijartin, dikare niha têrê dike were
qebûlkirin. Ev, ji çepê Tirk in, yen din
çepê Kurd... Ya rastî, ji bo min cudahiyek
weke çepê Tirk û çepê kurd tune ye, cudahiya
tirk û kurd jî tune ye. Ji bo min a esasî
Bloka Netewa Demokratîk e. Ez ê vê esas
bigirim. Ya ku min eleqedar dike, ev e. Ger
bi awayê min got, Bloka Netewa Demokratîk
were avakirin, wê çep serkeftinek mezin bi
dest bixe. Di hilbijartinên piştî vê de
dikarin herî kêm ji sedî bîst dengan
bistînin. Wê demê ev blok, wê bibe yek ji sê
blokên herî bihêz ên Tirkiyeyê. Di vê mijarê
de, hûn ê silavên min ji Sırrı Süreya,
Ertuğrul Kürkçü û serokê EMEP’ê Levend Tüzel
re ragihînin. Hûn ê ji hemû derdorên
sosyalîst re ragihînin, divê ti derdorek
çep-sosyalîst li derveyî vê neyê hiştin.
Heta azadîxwazên lîberal jî dibin. Bila bi
vê bawer bikin û ji bo vê xebatên xwe
bimeşînin. Dikare bi van hemû derdoran û sê
parlemanan re hevdîtin werin çêkirin. Ger
pêwîst bike, dikare nêrînên min nivîskî jî
werin ragihandin. Dikarin tavilê dest bi van
hemû xebatan bikin. Dikarin heya meha
Cotmehê xebatên Partî-Kongreya Netewa
Demokratîk temam bikin.
BDP min fêm nake. Ma BDP, Nexşeya Rê
naxwîne? Hevalên din jî di nameyên
şandine de di vê mijarê de BDP’ê pir tund
rexne dikin. Dibêjin; çima Nexşeya Rê
naxwînin. BDP, Nexşeya Rê ya min nexwendiye,
yan jî fêm nakin. Dewlet jî, Nexşeya Rê sê
salan girt û xwend, li ser wê lêhûrbûn kir û
xebat meşandin. Lê BDP, Nexşeya Rê nexwend
jî, naxwînin an jî fêm nakin û li ser
naxebitin. Dewlet, Nexşeya Rê du-sê salan di
dest xwe de girt. Ji vê sûd wergirt. BDP,
hûn hiqûqnas û parêzerên weke Doğan û Aysel,
çima Nexşeya Rê naxwînin? Binêrin, ez ê
BDP’ê û we pir giran rexne bikim. Divê hûn
Nexşeya Rê bixwînin û heya hestiyên xwe fêm
bikin. Nexşeya Rê tişteke pir girîng e. Ger
hûn nivîskarên li Tirkiyê jî bişopînin,
gelekî ecibandine. Jixwe li ser disekinin,
lê hûn naxwînin jî. Bo mînak, li gorî hatiye
diyarkirin, TESEV di rapora xwe de jî ji vê
sûd wergirtiye û li ser sekinîne. Û di
raporê de cih dane Nexşeya Rê. Rejîmên weke
Îran û Sûriyeyê dikarin ji we zêdetir sûd
werbigirin. Ev parêznameya min a dawî
jî, bi heman awayî ji Nexşeya Rê
berfirehtir e.
Belê, ev parêznameya min a dawî wekî
manîfestoya rizgariya Rojhilata Navîn e. Pir
bi nirx e. Di nav de her tişt heye, bila
zanibin jê sûd werbigirin. Ger Muzaffer ew
jî, li Ewrûpayê parêznameya min standibin,
wê li Ewrûpayê perwerdeya wê û xebatên wê
bikin. Jixwe, hûn rewşa herî dawî ya BDP’ê
ya li Dersîm û Rihayê ya di hilbijartinên
dawî de dibînin. Min ji bo vê berê gotibû;
divê hûn akademiyên siyaseta demokratîk pir
xurt bikin. Divê di van akademiyan de bi
dehan mirovên pispor perwerde bikin, bişînin
her alî û tevlî xebatan bikin. Divê tavilê
ji bo vê dest bi xebatan were kirin û dikare
ev xebat bi rihê seferberiyê werin pêkanîn.
Ez dixwazim der barê pêvajoya
bêçalakîtiyê jî van bêjim. Niha
gerîla li gelek qadan belav bûye. Li her
deverê hene, ne wisa? Bi heman awayî, leşker
jî li qadan belav bûye û operasyonan lidar
dixe. Leşker jî, li sînor û herêmên din zêde
dibin. Ev şer û pevçûnên tên jiyîn, zêdetir
bersivdanên ku li hemberî hev çêdikin in. Ez
naxwazim şer û pevçûn zêde bibin. Ez ji bo
nûçeyên jiyana xwe ji dest dayînê xemgîn
dibim û dibêjim, xweziya nebe. Niha ne
rewşeke agirbestê heye, ne jî destpêkirina
şerekî ku agirbestê bi dawî bike heye.
Jixwe, me niha şerê gel ê şoreşgerî
rawestandiye. Şer û pevçûnên ku niha tên
jiyîn, rû bi rû man û bersivdanên beramber
in. Ev şer û pevçûn an jî bersivdanên
beramber, dibe ku zêde jî bibin, kêm jî
bibin. Lê belê gerîla wê di her şert û mercî
de parastina xwe ya cewherî bike. Gerîla wê
xebatên xwe yên perwerde û lojîstîkê
bidomîne. Dema ku gerîla xebatên xwe yên
perwerdê û lojîstîkê didomîne, li cihê ku
leşker gerîla bibîne, wê lêde. Gerîla jî, ji
bo ku jiyana xwe ji dest nede, dema bi
leşker re rû bi rû bimîne, wê neçar bimîne
ku bikuje. Ji bo vê parastina aktîf an jî
pasîf tune ye. Gerîla wê 24 saetan parastina
xwe ya cewherî bike. Êrîşên ku li hemberî
wan çêdibin jî, wê qat bi qat bersivê bidin.
Bila gerîla di vê mijarê de min şaş fêm
neke. Ez nikarim der barê bêçalakîtiyê de
tiştek bêjim. Jixwe gotina min jî rast nabe.
Ez li vir nikarim bi navê KCK’ê biryarê
bigirim. Ji ber ku ez rewşa bi cihbûyîn û
belavbûna niha ya gerîla nizanim, min di ser
rewşa giştî re nirxandinek kir. Jixwe
protokol jî hene. Wê van hemûyan li ber
çavan bigirin û biryarên xwe bi xwe bidin.
Ez ji vir nikarim fermana êrîşê bidim.
Derfetên min ên li vir jî tune ne, rast jî
nabe. Êdî bi nirxandina van hemûyan re di
mijara bêçalakîtiyê de KCK wê biryara xwe bi
xwe bide. Wekî ku min berê got; ger ji vir
erkek ji bo min were dayîn, ez ji vê re
amade me, ez ê ya dikeve li ser milên min
bikim û rola xwe bilîzim. Ji bo vê wekî ku
min berê jî got, ger hikumet parlemenê
bicivîne –hûn dizanin îro hikumet jî hat
avakirin û serokê xwe yê meclîsê jî
hilbijarti bû– û bang li min bike, ez ê jî
wê demê di mijara hêzên gerîla li cihekî
komkirinê de ya dikeve li ser milên min
bikim. Lê belê niha biryara der barê
bêçalakîtiyê de wê KCK bi xwe bide. Der barê
van mijaran de ji bo bi wan re were axaftin,
dibe ku çûna Qendîlê pêwîst bike. Wekî din
KCK li ser bingeha avakirina netewa
demokratîk di mijara tiştên ku wê li Îran,
Sûriyê û Îraqê bike de, biryara xwe bi xwe
bide.
Ji bo konferansa neteweyî; HAK-PAR û KADEP
jî, dikarin pêşniyaran bikin. Rasterast nav
dayîn û pêşniyarkirina min, ne rast e. Navên
ku werin pêşniyarkirin, divê kêrhatî,
afirîner û jêhatî bin. Navên ku di vê mijarê
de wê berpirsyariyê hilgirin, dikarin werin
pêşniyarkirin. Lê belê nav diyarkirina min,
ne rast e. Jixwe erka komîteya amadekar ne
esas, meşandina xebatên teknîkî yên der barê
konferansê de ye. Bo mînak; wê konferans bi
çi awayî were çêkirin, kî tevlî bibin, wê
çawa tevlîbûnê çêbikin û meşandina xebatên
teknîkî yên der barê konferansê de ye. Nav
pir ne girîng e, nîtelîk girîng e. Berdevkî,
dikare ji yek-du kesan çêbibe, pir jî
pêwîstî bi zêde kesan tune ye. Jixwe wekî
min got; erk û xebatên komîteya amadekar,
xebatên teknîkî yên der barê çêkirina
konferansê de ne. Jixwe hê dem heye. Wê paşê
nirxandinên min ên der barê vê de çêbibin.
Wekî ku Ahmet Türk got; ne parlemenek
girêdayî Tirkiyê, divê parlemenek di nav
konferansa neteweyî de were çêkirin. Hûn ê
silavên min ji Ahmet Türk û Şerefettin Elçi
re ragihînin. Bila di ser prensîba şer û
aştî, prensîbên bingehîn û pêşniyarên pratîk
ên din re xebatên konferansê bikin. Yek ji
mijarên herî girîng ê ku konferansa neteweyî
bike, avakirina parlemenê ye. Jixwe KNK
heye, lê belê ev parlemena ku wê were
avakirin, dikare bi awayê ji nû ve avakirina
KNK’ê be. Heta modela FKÖ’yê (Rêxistina
Rizgariya Filîstînê) ya li Filîstînê dikare
wek mînak were girtin û parlamenek were
avakirin. Belê, bi awayê meclîsa daîmî dibe.
Duyemîn tişta herî girîng a ku konferansa
neteweyî bike jî, avakirina saziyeke rêvebir
a vê parlamenê ye. Heta em dikarin ji vê re
bêjin, kabîneya sîber (gölge kabine). Bi vî
awayî, wê rêveberiyek parlemenê jî çêbibe.
Yek ji tiştên herî girîng a sêyemîn a ku
konferansa neteweyî bike jî, kordînekirina
hêzên çekdar e. Divê kordîneya; hêzên çekdar
ên Barzanî, yan jî yêkîneyên çekdar ên
federasyona kurd a Îraqê û hêzên çekdar yên
din, were pêkanîn. Ev pir girîng e. Divê bi
misogerî nûnerê KCK’ê di konferansa neteweyî
de cih bigire û KCK xwe bi du nûnerên xwe
bide temsîlkirin.
Li Sûriyê 11 partiyên kurdan –PYD jî di nav
de– di encama civîna ku meha Gulanê li
Sûriyê çêkirinê de biryara bi hev re
tevgerînê standine. Beriya demeke kin li
Ewrûpayê jî, ev partî hatibûn gel hev û di
mijara tevgerîna hevbeş de lihevkiribûn.
Koalîsyona partiyên kurd ên Sûriyê ava
kirin. Bi armanca maf û azadiyên bingehîn ên
kurdên li Sûriyê bixin bin ewlehiya destûra
bingehîn, dikarin bi hev re tevbigerîn. Ez
silavên xwe ji wan û gelê me yê li Sûriyê re
jî dişînim. Dikarin ji bo vê xebatên xwe
bidomînin. Bila ew jî xweseriya demokratîk
esas bigirin. Modela xweseriya demokratîk a
ku me ji bo Tirkiyê guncav dît, bila hewl
bidin ku çareseriyeke demokratîk a bi awayê
ku li gorî şert û mercên Sûriyê bi pêş
bixin. Ez bawerim, pêvajoya hevdîtînê ya
rejîma Sûriyê bi kurdan re jî heye. Li
Sûriyê, wê çi bibe û siberoja wê ne diyar e.
Kurd, li ser bingeha çareseriya xweseriya
demokratîk, dikarin hem bi desthilatiya
rejîmê hem jî muxalîfan re hevdîtinan
çêbikin. Her wiha li hemberî xetereyên ku li
dijî hebûna wan pêş bikevin, dikarin ji niha
ve hêzên xwe yên parastina cewherî ava
bikin.
Nuri Yaman jiyana xwe ji dest daye, ez
xemgîn bûm. Ez ji malbata wî re sersaxiyê
dixwazim. Li Şirnexê di dest werdana ku li
pîrozbahiyên hilbijartinê hatiye çêkirin de
dayîka aştiyê Hatice İdin a ku ji bombeya
gazê bandor bû jî, li Êlihê jiyana xwe ji
dest daye. Ez ji malbata wê û gelê me yê
Şirnexê re sersaxiyê dixwazim.
Ez dayika aştiyê Hatice İdin a ku jiyana xwe
ji dest daye, gerîlayên Maoîst, gerîlayê
TİKKO û Mazlum Erenci yên li Dersimê jiyana
xwe ji dest dane, birêzdarî bi bîr tînim. Ez
ji malbata wan û gelê me re sersaxiyê
dixwazim. Gelo li Dersimê hejmara yên me,
hevalan û hêzê çiqas e? Li Colemêrgê rewş
çawa ye? Dibêjin gel ne rihet e, rewş ne
rihet e. Li wir çiqas gerîla heye? Ma li her
deverê zêde ne? Leşker jî pir zêde ye ne
wisa, ez bawerim li wir 50 hezar-100 hezar
heye, ne wisa? Wan çawa ye? Ma li Wanê
kombûneke leşkerî heye? Ma li Bazîdê teqîna
roketekê çêbûye? Min ji radyoyê guhdar
kiribû. Nûçeyekî wiha derketibû, dibe ku ne
rast be jî? Li Dersimê operasyon hene, ez
dişopînim. Li Çelê di şer û pevçûnan de
kuştina leşkaran heye, tê gotin ku deh
leşkeran jiyana xwe ji dest daye, lê min du
kes dizanî, nexwe deh leşker bûne, ez
bawerim ev demeke şer û pevçûn didome.
Operasyoneke ku 29’ê Hezîranê destpêkiriye û
çar rojan dewam kiriye, hatiye jiyîn. Tê
gotin ku li Saraya Wanê sê leşkaran jiyana
xwe ji dest dane, min ev girtin. Bi awayekî
giştî tê diyarkirin ku yek-du heftene şer û
operasyon zêde bûne. Di sînoran de zêdebûna
leşkerî heye. Di van şer û pevçûnan de
windahiyên leşkeran zêdetir dibin. Li Geverê
jî, li hemberî du çawişên pispor êrîşa
çekdarî çêbûye. Li Mêrsîn, Silopiya û Geverê
binçavkirin çêbûne, tê gotin ku operasyon
didomin.
Daxuyaniyên Nêçîrvan Barzanî yên weke; ji bo
çareseriyê aktorê herî girîng Ocalan e û
divê ez muxatab werim girtin, çêbûne. Murat
Karayılan jî, diyarkiriye ku van daxuyaniyan
erênî dibîne. Ew jî erênî dike, erênî lê
dinêre.
Nuray Mert, nivîskarek bi rûmet e. Dikare pê
re hevdîtin were çêkirin. Hevpeyvîna 4 rojan
a Hasan Cemal a ku bi Murat Karayılan re
çêkiriye, hat weşandin. Bi taybetî Karayılan
gotiye ku ger hûn dibêjin duyemîn
pêşîlêvekirina demokratîk, protokolan
bigirin û pêvajoyê bidin destpêkirin. Rewş
eşkere ye.
Silavên Şerefettin Elçi gihîşte min. Diyar
kiriye ku bihevrebûn û dostanî ne tenê ji bo
hilbijartinan e, wê heya dawî bidome û ji bo
vê ya ji destên wî tê bike. Jixwe wisa ye,
ya tê kirin, ne tenê yekîtiyeke ji bo
hilbijartinê ye. Wekî din silavên Murat
Bozlak jî gihîşte min. Ez silavên xwe ji her
duyan re jî dişinîm. Bûyîna parlemen a Murat
Bozlak, min xwestibû. Pratîk û tecrubeya wî
ya borî heye. Divê di dema nû de xwe bi van
tecrubeyan tevlî xebatan bike.
Raportorê destûra bingehîn, der barê Hatip
Dicle de nêrîna neyînî diyar kiriye. Silavê
Hatip Dicle jî gihîşte min. Ez jî silavên
xwe jê re dişinîm. Rewşa wî, wekî min diyar
kir, girêdayî pêvajoya li vir e.
Rexneyên Karasu der barê rapora TESEV’ê de
çêbûne. Karasu dibêje; di rapora TESEV’ê de
weke ku di nava PKK’ê de komeke ku di
berdewamkirina şer de israr dike heye, wekî
din Elewiyên ku di rêveberiya rêxistinê de
ne, hedef hatine girtin û ev rapora ku
hatiye amadekirin manîpîlasyonek der barê
şerê psîkolojîk de ye. Wekî din, nerihetiyên
xwe yên der barê îdeaya narkotîkê ya der
barê PKK’ê de ya ku xwe dispêrin jêderên
DYE’yê de diyar dike û raporê rexne dike.
Nexwe, di raporê de tiştên wiha jî hebûne.
Weke dawî, ez dixwazim der barê girtîgehan
de jî çend tiştan bêjim. Em ji bo hevalên
nexweş ên girtî têdikoşîn. Ez bi rewşa wan
re eleqedar dibim. Ji bo rewşa tenduristiya
Hediye Aksoy, meclîsa jinê ya BDP’ê jî,
biryara kampanyayekê standiye. Ez rewşa wê
hevalê dizanim. Ez ji girtîgeha Bakırköyê
gelek nameyan digirim. Di van demên dawiyê
de têra xwe heval anîn wir. Li wir
kombûyînek heye. Dilek Öz jî anîne wir. Ez
silavên xwe yên taybet ji wê û hevalên
nexweş re dişînim. Ez nikarim yek bi yek
bersiva nameyên wan binivîsim, lê ast,
lêhûrbûn û xebatên wan baş in. Ez silavên
xwe ji hemûyan û hevalên li hemû girtîgehan
re dişinîm. Silavên hevalên li girtîgeha
tîpa F ya Wanê, tîpa E ya Muşê, tîpa E ya
Bedlîsê gihîştin min. Ez jî, silavên xwe ji
hemûyan re dişinîm. Wekî din, ez silavên xwe
ji Bekir re jî dişinîm. Ez silavên xwe yên
taybet ji gelê me yê Wan, Colemêrgê, Amed û
Êlihê re dişinîm.
Berga sêyemîn a pirtûka Wallerstein
derketiye bazarê, ger ji min re were şandin,
wê baş be.
Roj baş.
6’ê Tîrmeha 2011
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
