23.04.2008

AKP tam mîna hikûmeta şer dixebite!

30 Nîsan 2008

Li vir hevdîtin tê qeydkirinê. Qanûnên li vir gelek cuda ne. Li vir gelek zagonên cuda têne pêkanîn. Di rapora CPT’ê de jehrkirin heye an na, xisûsên herî girîng kîjan in? Mafên ku di rapora CPT’ê de derbas dibin, em çawa dikarin bixin temînatê. Ji Tipa Adlî yek ji wan profesor yek ji wan doçent ji hêla du pisporên Toksolojîyê du car, carekê deh roj berê carekê jî nêzî bîst roj berê, du ûnîte xwîn ji min girtin. Cîguhertina min a vir dibe ku mimkûn be. Ku ev ne mimkûn be, girîng e ku ya wê zirûfên vir bêne guhartin yan jî hinek hevalên din bînin cem min. Ji ber pêkanînên ku dewlet li ser navê “hinceta ewlekariyê” dike, ku em ne di heman odeyê de bin jî, em dikarin li ciyê hewagirtinê jî bên cem hev. Ev girîng e.

Bi qasî ku min guhdar kireye biryara ku Dîwana Dadê ya Ewropa daye, Konseya Ewropa daye zanîn ku ev biryar wan girê nade, rastiya vê çi ye? Ev biryar girîng e. Lê ji ber ku ez avakar û berpirsê rêxistinê me, divê serî li îfadeyên min bidana. Dema ku kesek an rêxistinek wekî terorîst bê îlan kirinê, divê teqez nêrîn û parastina kesên têkildar bê girtin. Bi vî awayî dikarin mûdaxeleyê van lîsteyên ku şeş mehê carekê têne nûkirinê bê kirin. Ev mijar girîng e. Di vê mijarê de teqez divê xebat bêne kirin. Divê parêzerên min ên Ewropa li ser vê mijarê bisekinin. Ev mijar girîng e û divê li ser xebat bê kirin. Ev mijar hem rewşa min hem jî ya rêxistinê bandor dike.

Der barê çar dosyayên ku li AHÎM’ê gihandine hev, dihat hêvîkirin ku di 15’ê nîsanê de biyar bê dayîn. Çima biryar nehate dayîn? Di van dosyayan de yên girîng, ku biryar erênî be, wê ev bandor li ser ji nû ve darizandinê bike. Ji bona min dosyaya ji nû ve darizandinê girîng e. Parastinên ku min heta roja îroyîn kiriye hemû siyasî ne. Ji roja ku ez hatime girtin, pêwîst dikir ku ji bona pevçûnên civakî çênebin, gavên siyasî bavêjim. Ji ber vê yekê, yekane rê ev bû ku ez parastineke siyasî bikim. Min jî vê kir. Parêznameya min a 810 rûpelî ku min ji bona çar dosyayan nivîsîbû, siyasî û teorîk e. Min hê parastina xwe ya pratîk û hiquqî nekiriye. Encax ez vê pêşnûma[1] dikim. Gelek fireh e, ku derfet hebin ezê ji nû ve raberî dosyaya ji nû ve darizandinê bikim. Wê di mijara ji nû ve darizandinê de, AHÎM bikeve nava helwesteke biryardayînê? An jî wê biyarek bide? Ji nû ve darizandina min girîng e. Di vê mijarê de ji bona parastinekê xwe amade dikim. Parastinê di her hêlî de pêşnûma dikim. Ku derfet hebin ezê binivîsim. Ji ber vê yekê girîng e ku parêzerên min li ser vê mijarê bisekinin. Her dem hewl didin ku min bêdeng bikin. Gelek car in ku cezayê hûcreyê didin. Cezayê herî dawîn ku hatiye dayîn, wê di nêz de bê pêk anîn. Wekî hincet jî gotina “ez avakar û rêveberê rêxistinê me” tê nîşandan û tê îdeakirin ku min ferman daye rêxistinê. Encax zirûfên ku ez tê de me, ne mimkûn e ku ez fermanan bidim. Zirûfên ku ez rêbertiyeke pratîkî û taqtîkî bikim nîn e. Wekî din ji ber ku avakar û rêveberê rêxistinê me, hatim darizandin û ceza hate dayîn. Ji ber vê yekê jî li Îmraliyê tême girtin. Hê jî di vê bingehê de nêzîkatî tê nîşandayîn. Lê ji ber vê rewşê jî tînim ziman, dayîna cezayê hûcreyî nakokî ye û îfadeya paradoksê ye.

Parêzerên min dikarin bi doza Atîna re mijûl bibin. Ez ji Yûnanistanê bi awayekî dij-qanûnî hatim derxistin. Ji serbalyozxaneya Yûnan a li Naîrobiyê jî bi awayekî dij-qanûnî hatim derxistin. Li vir peymanên navnetewî jî hatin binpêkirin. Bi vê mijarê re têkildar, divê xebat bêne birêvebirin.

Pevçûn bi awayekî gûr didome ne wisa? Bîlançoya hefteyeke dawîn çi ye? Çavkanên serfermandariyê bîlançoyê daxuyandine. Hêla kurd çi dibêje?

Her hal, di şeveke ku DTP’ê li Seqeryayê lidar xistiye de, hewl dane ku DTP’iyan lînc bikin. Yên ku vanan dikin kî ne, ma bi rêxistinî ne yên ku vanan dikin?

Texmîn dikim ku tiştek bi rêxistinî ye, wisa dixuye. Li hember kurdan kampanyayên lîncê tên lidar xistin. Vanan ji hêla derdorên kûr ve têne rêxistinkirin. Li pişt wan hêzên girîng hene. Di hêlekê de jî pevçûn didomin. Cezayê hûcreyê jî dan min. Vanan rewşên bi zanebûn û bi rêxistinî ne. Dozger dibêje ku, tu ji vir fermanan didî rêxistinê. Ji ber ku min gotiye ez avakar û berpirsê PKK’ê me, cezayê hûcreyê hatiye xwestin. Sedema ku ji hêla dadgehê ve cezadayîna min, ji ber ez hem avakar hem jî berpirsê PKK’ê me bû, ji ber vê yekê min li vir digirin, ji ber ku min gotiye ez avakar û berpirsê PKK’ê me jî cezayê hûcreyê didin. Li ortê nakokiyek heye. Bi vî cezayê hûcreyê dixwazin ez dev ji her tiştî, dev ji kurdîtiyê berdim. Dixwazin dev ji PKK’ê, ji azadiyê, ji têkoşîna azadiyê, ji kurdbûnê û ji her tiştî berdim. Ma tiştek wisa dibe, ezê çawa dev ji azadiyê berdim. Ezê çawa dev ji PKK’ê berdim, ezê çawa dev ji kurdbûnê berdim. Bi vî awayî dixwazin ku ez rêxistinê belav bikim. Jixwe her roj bûyerên bombekirinê tên kirin, her derî bombebaran dikin. Hem wan bombe dikin, hem li bendê ne ku ez wan belav bikim, ma tiştek wisa dibe? Ma ezê ji vir çawa gotina xwe bi Cemîl Bayik, Duran Kalkan û Cemal Karayilan bidime qebûlkirinê, ezê çawa ji vir ferman bidim? Jixwe hûn her roj wan û ciyên ku lêne bombe dikin, ev rêbaza we encax şer sor bike û sor dike jî. Bi vê rêbazê dibe ku hinek berjewendiyên wan hebin an jî nizanim armanca wan çi ye. Ez dibêjim, siyaseta demokratîk û çareseriya demokratîk. Ger ku ev çareserî bi pêş nekeve, ez dibêjim wê şer bi pêş bikeve û kûr bibe, ev tespîteke, ku dera vê ferman e! Ez tiştên ku bibin dibêjim. Ez ji vir nikarim ferman bidim, li vir nikarim rêbertiye pratîk û taqtîqî bikim. Ku destûr bidim min jî, ez di van zirûfan de rêxistinê birêve nabim, ferman jî nadim rêxistinê. Wê rêxistin biryarên xwe bixwe bide, parastina xwe bixwe bike.

Tirkiye, hewl dide ku di ser başûrê Kurdistanê de PKK’ê birêve bibe. Ev pêk nayê. Talabanî li Tirkiyê vê aşkere anî ziman; got ku, “Em nikarin bi PKK’ê re şer bikin” Tirkiye, bi başûrê Kurdistanê, Talabanî û Barzanî re têkiliyên xwe rast bike jî, di navbera kurdan de şer dernayê. Di navbera kurdan de bi giştî hişmendiye netewî bi pêş ketiye û gel destûr nade ku di navbera kurdan de pevçûn derê. Bê xwestin jî nikarin bikin. PKK, hêzeke girîng e. Li derdora PKK’ê, li Îranê, Sûriyê, Tirkiyê û Iraqê hêzeke mezin çêbûye. Tirkiye ji başûr dixwaze ku bi PKK’ê re şer bikin, ev tu carî pêk nayê. Di rastiyê de Tirkiye dizane ku ev pêk nayê, lê digel ku dizane jî bi zanebûn vê dixwaze.       

  Wê DTP’ê jî bigirin. Avakarê DTP’ê ez im, wisa dibêjin. Ji bona Dadgeha Makezagoniyê, parastineke ku parastina min jî digire nav xwe bidin. Ku DTP bê girtin jî, dikarin rêxistinbûnên xwe yên demokratîk ji nû ve û bi awayekî berfireh bikin. Ku bê girtin jî, dikarin di bingeha xweseriyê de mîna Îngîltere-Îskoç, Îngîltere-Îrlanda rêxistinbûna xwe bikin. Çareseriyeke çawa dixwazin, dikarin li gorî wê xwe birêxistin bikin. Wê riyeke wê ya hiqûqî jî bê dîtin.

Her hal Nuredîn Demîrtaş jî girtine leşkeriyê. Tişt nabe. Bila li gorî xwe tedbîrên xwe bigire. Di kongreyê de ji nû ve dikarin Ahmet Tirk hilbijêrin, li hember bijartina wî nîn im.

Pêşbiniya girtina AKP’e çi ye? Wê bê girtin? Îhtîmala lihevhatina wan zeîf e. Piştî vê saetê lihevhatina wan hinek zehmet dixuye. Dewlet û AKP, bi taybet piştî bûyera Şemzînanê, li hember kurdan li hev kirin, di navbera wan de lihevhatinek tam çêbûye. Wê AKP, bi riya dîn, di rastiyê de bi riya terîqatan kurdan di bin kontrolê de bihêle, wê ew jî herin ser kurdan. Bi heman şiklî, Emerîka bi ew tarza xwe holdîngên ku tê zanîn, bi riya terîqetan kontrolkirina kurdan erê kiriye. Di hêleke din ve wê bi polîtîkayên têkildar ên Îran û Rojhilata Navîn, polîtîkayên ku dixwaze hewl bide pêk bîne. Niha di van herdu mijaran de gumana Emerîka heye; Yek, êdî AKP’ê nikare kurdan di bin kontrolê de bihêle; duyemîn, ji Tirkiyê di mijara Îran û polîtîkayên din de jî ya dixwaze nikare bigire. Gumanên dewletê jî hene. Wê bi îhtîmaleke mezin AKP bê girtin, wê nikaribe pistgiriya ku Emerîka dixwaze jî bigire. AKP, gelek berjewendîperest tevgeriya. Bi dewletê re di mijara kurdan de li hev kir, tam mîna hikûmeteke şer dixebite. Ez ji kurdan re vê bangê dikim: yek rayeke xwe jî nedin AKP’ê. Her raya ku hûn didin AKP’ê diçe şer. Hikûmet ji bona 1’ê Gulanê biryarên xeter digire, çima vê dikim, ez jî tam wate nadimê. Encax dîsa jî ku hikûmet gavên demokratîk baveje, di meyla çareseriya demokrmatîk de gav bavêje, ez jî li vir amade me ku çi dikeve dest min bikim.

   Min der barê jinan de gotibû; divê jin ji bona siyaseta demokratîk bixebitin. Di akademiya ku min berê ji bona jinan pêşniyar kiribû de jin dikarin bêne perwerdekirin, bila xwe bi pêş ve bibin. Bi heman rengî di akademiyên din de jî divê bi hezaran kes bêne perwerdekirin. Çima hê jî akademiyan ava nekirine?

Ku DTP bê girtin, dikarin bi SDP, ODP û bi çepgirên demokratîk ên dîtir re tevbigerin, dikarin herin rêxistinbûnekê û bi hev re bikevin hilbijartinê. Pêkhatina vê girîng e, ji ber ku wê ev rê li ber pevçûna navbera gelan bigire. DTP, dikare rêxistinbûneke ku çarçoveya wê firehtir pêk bîne. Di nava vê rêxistinbûne de, derdorên cuda, nûner û sazî hebin.

Min berê pêşniyara meclîsên bajaran kiribû. Nûnerên DYP’ê heta nûnerên MHP’ê jî dikarin beşdarî van meclîsan bibin. Ev vê ji bona vê dibêjim; wekî mînak li bajarên rojava wekî Saqaryaye ku şevek li dar bikeve, ew Meclîsa Bajêr ku tê de nûnerên kurdan jî hene, ji bona aştiya civakî biryar bide û wê pirsgirêrek civakî jî derneyê. Pêkhatina vê wê nîjadperestiyê bibire, wê nîjadperestiyê bişkîne. Vegotinên min bi kurtasî ev in.

Ji Mark Mûller[2] e silavên min bêjin. Ji dostên me yên Ewropa re silavên xwe radigihînim. Hûn dikarin der barê biryara Dîwana Dadê ya Ewropa de xebat bikin. Fatma Uruk nameyek şandiye. Yekem car e ji bilî girtîgehan ji derve name digirim. Nameyek ji girtîgheha Semsûrê hatiye. Nameyek ji girtîgeha Uşakê heye. Dîlek Kurt nameyek şandiye. Ji hemûyan re silav û hezkirinên xwe radigihînim. Min pirtûka Sîstema Cîhanê girt, ev pirtûkeke girîng e. Ev pirtûk, pirtûkeke nêzî nêrînên min e, dikarim bêjim ku pirtûkeke ku nêrînên min diteyisîne. Pirtûka bi navê Jinên Mêtîngeh[3] hê jî min negirtiye.

Ji we hemûyan re rojbaş!

Ji her kesî silav.

30 Nîsan 2008

Malbat;

Her hal, di meha nîsanê de ji Çewlikê û Kurdistana Rojavayê hinek hatine. Gûrbettelî, hevalek me ya bi nirx û xwedî cewher bû. Malbata wê gelek bi nirx e û malbateke baş e. Gelê me yê ku ji bona 4’ê Nîsanê hatine re, gelek gelek silavên xwe raber dikim. Girêdana partiyê ya gelê Sûriyê çawa ye?

Fraksiyênên din filan, ma li Sûriyê komên din jî hene? Ma hê jî li ser gelê Sûriyê pêkûtiyên çors[4] didomin? Tiştên mîna komkujiyan hene? Ma parlementerên mîna Osman û yên din bi îşkenceyê hatibûn kuştin? Ji malbata wan re û ji gelê me re dîsa sersaxiyê dixwazim.

Rewşa yên revî çawa ye? Vanan hewl didin ku xwe bixin rojevê, lê gel vanan nas nake, dewlet jî nas nake, tu kes nirx nade wan. Kes ew berçav nagire. Ne civak, ne dewletên din û ne jî Tirkiye vanan ber çav nagire. Qediyan, li bin ketine, însan ew qas nakeve bin, dikaribûn wekî însan xwe biparastina. Vanan xwe kamûfle kirin, hewl dan ku ji ser pişta me xwe bidin jiyandin. Derketina çapemeniyê çawa ye, Cemal û hevalên din ên konseyê her hal kêm dertên çapemeniyê, sedem ewlekarî ye, her hal ji bona tedbîrê ye.

Min ji radyoyê guhdar kir, dibêjin ku bi qasî çil gerîla hatine kuştin, ez ne di wê baweriyê de me ku zêde windahiyên wan hebin, her hal li gorî berê bihêztir in. PJAK her hal li Îranê bi hêz dibe, bi hêz e, bi hêz dibe ne wisa? Di Newrozê de Riha çawa bû?

Bi îhtîmaleke mezin wê DTP bê girtin, wê AKP jî bê girtin. Dewlet, hem ji bona kurdên başûr hem jî ji bona kurdên bakur peywir daye AKP’ê; peywira ku hatiye dayîn, avabûnên li başûr kontrolkirin û çewsandin, li Tirkiyê jî bi marjînalkirina DTP’ê re zêdetir nêzkirina xwe û tevgera kurd jî bi destê AKP’e tesfiyekirine. Tevgera Kurd nehate çewsandin, nikaribû DTP’ê têbixe bin kontrola xwe, nikaribû radest bike. AKP bi ser neket. Avabûna li başûr ber bi dewletbûnê ve diçe. AKP, di herdu peywiran de jî li ser neket, ji awayekî din li tembûrê da, bi şemitîna şalpeyê û lezbûna avakirina kadroyên xwe re, dewleta kûr ji vê re gote bisekine û gotin ku tu di peywirên xwe de bi ser neketiyî.

Ji niha û şûn ve lihevhatin zehmet e, ger ku lihevhatin pêk neyê, îhtîmala girtina AKP’ê zêdetir e. Di rastiyê de der barê DTP’ê de min parêzeran re gotibû. Ger ku Partiya Sîwan bi partiyên çepgir re nîn be, dikarin herin avabûneke xwedî çarçoveyeke fireh. Tirk, çerkez, ereb jî di nav de ji her miletî, dikarin sazbûneke fireh ava bikin. Divê vê carê qadroyên paqij bin, armanca wan gel be, ne malbat bin, divê dostanî, ehbap-çawişî nîn be, divê pêşiya mirovên nû, xwedî behre û yên dirist bêne vekirin, mirovên bi qelîte bên perwerdekirinê, divê akademî qadroyên bi kalîte perwerde bike. Divê bikevin serdemeke ku asta wê bilind û bi kalîte. Divê girîngiyê bidin behre û kalîteyê.

Belê min ji radyoyê guhdar kir, birine leşkeriyê, dikarin ew xerc bikin. Dibe ku ew bişînin Rojhilatê başûr, Colemêrg an Sêrtê, divê ewlekariya xwe bixwe bigire, xwe biparêze, tedbîrên xwe bixwe bigire. Hevserok Emîne, rewşên wan çawa ye?

Belê, wan dizanim. Li Ewropayê çi heye çi tune, li gorî berê her hal niha çêtir e. Dikare beşdar bibe, her hal rewş baş e.

Hevalên li Ewropayê li gorî berê baştir in ne wisa? Ji gel û hevalen me yê Ewropa re silavên min ragihînîn. Silavên min bêjin, ji yên ku pirsa min dikin, ji hemû heval, dost û mervan re silavên xwe dişînim.