Wateya Partiyê 
                       

Duran KALKAN

Partî çi ye? Çi nîn e? em çima ewqas girîngiyê didin partiyê? Çima Rêber APO partîbûyînê wekî hêza serkeftinê nirxand. Divê girîngî û wateya partiyê baş bê nirxandin

Rêber APO wiha dibêje: “Ku em bibin partîger em ê serkeftinê qezenc bikin. Ger em bibin PKK em ê şer qezenc bikin.”  Ev tê wê wateyê ku di siyasetê de jî, di leşkeriyê de jî, di her derî de jî şer kirin û serkeftin girîng e. Ev jî girêdayî rast fêm kirina partîbûyînê û rast nirxandinê ye.

Partî çî ye û ne çî ye

Çima Rêber APO partîbûyînê wekî hêza serkeftinê nirxand. Çima partî ewqas girîng e. partî van karan çawa dike? Partî çi ye, bi çi pêk tê? Pêwîst e em pirsan ji xwe rast bipirsin û rastiya partiyê baş fêm bikin. Dema me got partî, ev tê wateya ruhekî, zanebûnê, nasnameyê, hêza têkoşînê û li hemberî hemû qetlîam û pişavtina di xeta azadiyê de derxistina holê û jiyînê. Ji ber vî li her derî gelê Kurd dibêje: PKK gel e, gel li vir e. PKK’ê wekî ruhê xwe, nasnameya xwe, jiyana xwe ya azad dibîne, pênase dike, digire dest û li ser vî bingehî lê xwedî derdikeve.

Dema me got partî ev tê wateya hemû bandorên dijmin li ser xwe avêtin, hemû cureyên parçegeriyê, ezezîtiyê, fesadiyê danîna aliyekî din, di ser bingehê hevaltiyek rast de di armanca wekhev de îradeyek wekhev e. Ji ber vê partî dibe navê paşvexistina hemû paşverûyan, dibe navê bandora dîjmin binxistin, xet û nasmame yê. Dibe cihê hemû jiyanên demokratîk, jiyan derxistina holê, afirandina hemû cureyên bedewbûna, rastiya, afirandina başiyê, pêşvexistina kesayet û civaka azad. Partî dibe hêzek têkoşînê, ruh, berxwedanê. Partî dibe xercê têkoşîn û yekitiyê. Ji bo ku serkeftin bê qezeckirin pêwîst e ev xerç rast bê çêkirin û derbasî jiyanê bibe. Ji ber vî jî pêwîst e pênaseya partî ya ku Rêbertî û gel jî pêş dîbîne mîsoger xwedî lê bê derketin, pêwîst e em wan rast bigirin dest, rast pêk bînin.

Çareserî Partîbûyîn e

Heya partîbûyîn nebe, derbas kirina paşverûtiyan jî nabe. Heke ku paşverûtî derbas nebe, îrade jî nabe. Pirsgirêkek wekî pirsgirêka Kurd ku ev qas tevlihev nayê meşandin û serkeftî nabe. Ji ber vî jî em jibîrnekin her tişt bi partîbûyînê ve me pêşxist. Destketinên 38 salan hemû di xeta partîbûyînê de pêş ketin. Di gelê Kurd de ruhê azadiyê, zanebûnê, bûyîna xwedî îrade, afirandina rasriya Rêbertî, pêşengtiyên xwe derxistina holê bi kurtî hemû tişt bi partîbûyînê pêşket.

Çareserî bi partîbûyînê ve dê pêş bikeve. Pêwîst e em di vê zanebûnê de bin ku ancex bi partîbûyînêve em ê bikaribin di xeta Rêber APO û şehîdan de xwe pêş bixînin, kesayetên xwe ava bikin. Em çiqas cihê ku lêbin bi rêxistin bikin em ê hemû pirskirêkan çareser bikin, hemû paşverûtiya em ê bin bixînin, di hemû erkên ku em didin li ser milê xwe de serkeftî bibin. Pêwîst e em bi vî bawer bikin. Ev ne têgînek razber e. Bangawaziyek e vala mîsoger nîn e.

Pratîka PKK’ê ya 37 salan ev bi hezaran car, bi milyonan car îspat kiriye. Ji ber vî jî ev rastî di dîroka têkoşîna me de hatine erêkirin îspat kirin. Pêwîst e em hemû jî vî baş bibînin û baş bizanibin. Ji ber vî em hemû qasî ku em rastiya şehîdan, partiyê û Rêbertiyê rast fêm dikin, dersên PKK’ê yên 37 salan jî pêwîst e em hewl bidin ku fêm bikin û derbixînin zanebûnê. Ji bo ku em xwe ji bo paşerojê amade bikin, ji bo ku salvegera 33’yemîn a PKK’ê de xwe anîna rewşa mîlîtanek ancax bi partîbûyînê ve mimkûn e.

Em wekî roja yekem li ser xeta xwe ne

Xeta partiya me, rastiya partiya me  sîh sal rê nîşanê têkoşîna azadiyê daye, jê re pêşengtî kiriye, em di rêveberiya Rêber APO û şehîdan de dijîn, şer dikin, xwe bi rêxistin dikin. Yên ku fermanê dide ew in, yên ku xeta serkeftinê îfade dike ew in. Her wiha di sala 33’yemîn de erk û berpirsiyariyê me çiqas giranbin jî, heke em van rastiya baş derbixînin zanebûnê, rastiya partî û serokatiyê rast derbixînin zanebûnê, em di vê baweriyê de bin ku em ê di pratîkê de hemû erk û berpirsiyariyê xwe serbixînin.

Em jibîrnekin ku di sala 33’yemîn de wekî partî û gel em bêtir bi hêz in, bêtir bi îdia ne, bêtir nêzîkê serkeftinê ne. Heta sala 33’yan mîsoger em ê sala serkeftinê îlan bikin. Ev ne daxwazek an jî xeyalek e. Em di kîjan milî de lê binhêrin hemû nîşane diyar dikin ku em ê serbikevin. Ji bo ku em vê rastiyê pêk bînin bi hemû hêza xwe ve û rastiya partiyê rast fêmkirin ve têkoşînê bidin meşandin. Çi qas rastiya partî û şehîdan rast fêm bibe, em ê erkên xwe yên pêk bînin. Em bi vê baweriyê ve nêzîkê sala 33’yan dibin, bi helwesteke wiha ve têkoşînê dikin. Ji ber vî jî îdiaya me bêtir mezin e, baweriya me ya serkeftinê xurtir e. Îdiaya me ya serkeftinê bêhtir xurt e.