|
|
 Ez
destpêkê 15’ê Tebaxê li Rêberê Gelê Kurd Rêber
APO, şehîdên me yên rêya azadiya gelê Kurd bi
xwîna xwe vekirin, şervanên azadiyê, hevalên
zindanan û tevahî gelê Kurd ê bênavber tekoşîna
xwe ya azadiyê didomînin, pîroz dikim.
Di her civakekê
de rojên taybet hene, her gel di van rojên
taybet de hebûna xwe didin diyar kirin. Ji bo
gelê Kurd jî 15’ê Tebaxê roja hebûnê ye. Roja
15’ê Tebaxê bû roja ku xala dawî ji înkarkirina
gelê Kurd re danî, roja destpêkirina vejînê,
roja di rûpelên dîrokê de hevdîtina bi rehên xwe,
bi nasnama xwe ya azad re û roja zindîkirina
çanda dayîkê ye. 15’ê Tebaxê çanda dayîkê ya
hertim civak û xweza li hember hemû êrişên derve
û hûndir diparast, vejand. Ji ber vê yekê dema
em li rûpelên dîrokê yên beriya 15’ê Tebaxê
temaşe dikin, em dibînin ku jin her dem bêhêz
hatiye hiştin.
Pergala zilam a
ku desthilatdarî li ser jin, xweza, civak û
tevahî nirxên mirovahiyê daye meşandin û hemû
maf û nirxên erênî yê mirovahiyê jî binpê kiriye.
Bi înkarkirina nirxên jin ên dînamîk, jiyanî,
siyasî, civakî û dîrokî hatiye felç kirin. Lewma
bi pergala zilam a serdest û desthilatdar ve bê
îradebûyîn, bêbawerbûyîn, biyanîbûn hatiye
bipêşxistin û parastin.
Ji bo wê jî
Rêberê Gelê Kurd dibêje; “Nasnameya jin di
hûndirê kaoseke mezin de dijî. Ji ber wê jî em
dibînin ku jin ji zanist, xwe naskirin,
parastina rêxistina xwe ya xweser bêpar maye.
Lewma jin nikare weke îradeyek azad xwe derxe
pêş. Her wiha weke jina ku xwediyê jiyana
diherike, divê xwe bide nasîn. Ev jî dihêle ku
jin rewşeke xwe nenaskirin, hêz û îradeya xwe
nederxistina holê û neketina ferqa xwe û zayenda
xwe bipêşdixe.”
15’ê Tebaxê
guleya yekemîn e ku di zihniyet û şaneyên gelê
Kurd de û bi taybet jî di zihniyeta jina Kurd de
hatiye teqandin. Lewma em dibêjin 15’ê Tebaxê ji
bo jinan hevpeymanek jiyana azad e û xweserî ye.
Ev çalakiya dîrokî bandora xwe bi giştî li ser
dîrok û pêşerojê kir. Ev çalakî di aliyê zagon û
felsefeya jiyaneke azad bi xwe re afirand.
Rêbertî dibêje; “Nasnameya jina azad bi rêya
artêşbûna jinê derketiye holê. Ev artêşbûn hişt
ku jina Kurd hêza xwe nas bike û gihîşt asta ku
pergalek ji devreyî pergala zilam a ku pênc
hezar sale didome, biafirîne. Her wiha li
hemberî wê bi hêmû hêza xwe ya veşartî ya
îdeolojîk, rêxistinî, siyasî, civakî û hwd.
pêşengtî û rêbertiya misyona avakirina civakek
exlaqî û polîtîk dike.
Behrem û nirxên
me yên sî salan, îro gelê Kurd û jina Kurd
gihandiye asta hêza rêxistina ji pola. Gelê Kurd
tevî hemû êrişan jî polîtîkayên înkar û
tunekirinê napejirîne. Li hemberî van
polîtîkayan bi Rêbertiya gelê Kurd û şehîdên me
yên egîd û qahreman, gelê me yê berxwedanvan bi
wêrekbûnek mezin îro modela xwe ya çareseriya
pirsgirêka Kurd ‘Xweseriya Demokratîk’ îlan
dike. Rêveberiya xwe ya civakî şêwazên
rêveberiya xwe û jiyana xwe birêve dibe. Ev dibe
bingeha pergala Konfederalîzma Demokratîk ku
hemû netew, çand, ziman û cudahiyên din
çareseriya xwe tê de dibîne. Lewma coşa gel li
kolanan tê dîtin. Ev jî encamên ku bi berhemên
salan bi keda xwe û zanebûna xwe gihîştiye vê
rojê. Carek din jina Kurd û gelê Kurd mîsyona
şeref û rûmeta dîrokî ji bo avakirina civakek
demokratîk daye ser milê xwe.
Arşem
Kurdman
|
