|
|
Vegera
jiyaneke bê dew bi xemla jınê , vegera hinaseya
wendayî , vegera peyvên azad, giyan ê serbixwe,
gerek nuh li xwezaya axê û ji nû ve dar , gul
, kulîlk , û çiya têkevin nava semaya xweşikbûnê
,êdî çend pergalên derewîn an ewrên ku qalik ê
kevnariyê li xwekirine berdewam bibin ? li xwe
veger , li axê veger , li dayikê veger , li
xwezayê û jîngeya paqij veger , û gihandina
zayîn a rastiya . Gelo emê bendewarê barana
asîman û ken ê zemînê bin , an emê serê xwe
berdin nav xweliya salên xewkirî ? Gelo emê
şiyar bibin an ax hişyar bike û tika nerazana me
bike ? gelo dema xudawend baran barandin bîr
nebirin ku zarok li hemû hêlên cîhanê birçîn e ?
gelo xudawend tore bibûn dema pişk ji xwe de şîn
dihatin û bejna xwe raberî tavê dikirin ? an jî
dema ewrên xwezayî dizan xudawend radizan ? vaye
hişyarî serî rakiriye û hemû hêza afrandinê
volqana di teqîn e . ma gelo wê ev car çawa be ?
ma gelo wê xudawend têkevin hewldana avê bi agir
dakin an wê agir gur bikin ? zagonên xwezaya
xwezayî li kîjan waran hatine veşartin , an
hatine nuxumandin ? gelek ax şewtîn, gelek
malik û mêjî bi xwere herifandin , wiha hat ku
gund nasnama xwe wendakirin ,û tû rêkan nebîne
jı bo bide nasîn rengê xwe .
Dibêjin
``( lı xwe bigere tû yê xwe bibîne )`` .
lewra ger bixwe jî li xwe digere , mîna çawa
şıtlek an sîsika fêkıyekê serê xwe despêk ê ji
bin ax ê tîne der , wihajî jıyan mîna ku
berûvajî hev bûye û di nava xwe de dikele,
daxwaza derketina rastiyê dike . dixwaze bi deng
û reng ê xwe bibe , fêrbûye xelekekê ji xelekekî
biafrîne . li vêderê, li bingehê ger gırînge,
ji ber afrandinên xwezayî bi xwere jiyaneke
xwezayî tîne hem dide û hem diafirîne . xwe
diparêze û cîhanê jî bi xwere diparêze . em çima
nikarin behsa vê rastiyê bikin !! jiber ew
cewher hatiye perçiqandin , û ji nû ve xwe
zindîkirin çênebûye ; xala herî girîng ku
dixwazim balê bikşînim ser ewe ji boy ku
mirovahî bikare dinava bexteweriyê de bijî,
mirovahî bixwe pêwîste di nava tekoşînekê debe .
em nikarin hêdî temaşeyî mirina xwe bikin û li
ber xwe nedin ! dibe ku di gelek serdemên
dîrokî pir çîn derketin û gelek ferastên
tarîkirina cewher ê jıyanê , lewra gihandina
civakekî nûh , xwezayekî bedew , û jîngeyekî
paqij erkekî ji erkên mırovahıyê ye . pirsa herî
ku li ser dihizirim ewe ; ger em ewqas hewil
didin ku jiyan , civak , mirov di xweşî û
bexteweryê de bijîn ! çima nirxê wê nizanin û bi
qasî rûmeta wê qîmet nedayîna wê, ew jî bi xwe
jin e .
jin a ku di nava xwede her
rastiyê jiyan a xweşik vedihewîne û navika
afrandina jiyanê bi hemû rastiyên wê ye, jin
xeleka herî bingehîn e ji bo malbatê jî û ji
boyî guherîna cıvakê . bêguman dema mirov gelek
helwestên tûnd dibine ew dem gırêdan ê
mirovahıyê bi jiyanê wê bighê çi astê ? ev
pirseke lewra bersiva wê pêwîste !
Nakokiyeke herî girînge ku
hemû pirsgirêkê jıyanê pêve girêdayî ne . vegera
rastiya jınê, ewe vegera jiyanekî xwezayî,
xweşik û rastiyê ye .
Ji xwe mîna pirsgirêkekê li jin meyzandin ,
biwateyekî dî pirseke girêk e , pêwîste mirov lê
mêze neke , li jınê ger li rastiya jiyanê gere
! jiber piştî ku ji gelek xweşiiıyan dûr ket û
zilam bixwe jî nekarîbû wan xweşikiyan berdewam
ke , wiha hîn bêtir mirovahî ji cewher ê xwe dûr
ket . dibe ku di pêvejoyê şaristaniyê û taybet
di demê gilobalîzmê de , pêşketin di gelek hêlê
jiyanê de çêbûn , belkî mirov gihane gelek astên
zanebûn a ramanî , hizir û têgînên pêşketî , bê
guman beramberî vê yekê jî hîna ew hewldanên ku
mirovahî jiber şerm bike hene û ev mijar pir
ser dihzirm , mîna pırsan ????
Min dikarîbû wateyê bidim demê ( çax ê
cahiliyetê ) wexta keç bi saxî bin ax dikirin ,
bi taybetî ew şêwên dijwar û tûnd , ( waid el
benat ) ( kuştına keça bi saxî ) , yek ji wan
şêweya
1- ya herî bi êş dema keç bihata jiyanê û di
nav pêçeka xwede ba , wê rahiştibanayê û bi saxî
veşartibana
2- dema ji jinkê re keçek çêbiba wê demê
radihiştin keçê û ji bilindahiya latekî bilind
davêtin xwarê , ew jî dana nîşandayîn ku hatina
te ne pîrozmendiye ji boy jıyanê !
3- dema keçê nêzîkatiyeke nebaş kiriba yanî tenê
li zilamekî jî mêzan diba , ew bi saxî dixistin
nava koncalekê axê û tenê serê wê ji derve
dihêliştin ta bi fetise , mîna cezayekî jê re
dihate dîtin .
4- û dı nava hın binemaliyan de jî an malmezinan
de , ji hêla keçê ve hin nêzîkatiyên şaş , yanî
ne li gorî pîvan ê malbatê be di hêlê sincîde
, ew keç di nava xwede di ricimandin bi
keviran ew dikuştin , bê ku derfetê bidênê ku
xwe biparêze an baxive .
Bêguman ev nêzîkatıyê tûnd di wan dem ê
fewdaliyê de bûn û di demê çax ê cahiliyetê, ji
hêlekê mirov wateyan didê yê . lewra berdewama
wan nêzîkatıya ta roja me ya îro, buyerekî
gelekî sosret e . jı ber ku ta niha jî tûndiyên
dijwar berdewam in , mînak bidim li Îran ê ; Ger
keçek ne li gorî pîvanê ola îslamê be, taybet
hêlê pirsa ( zina ) hîna jî wê keçê di nava gûnd
de koncalekê jê re dikolin û wê diricimînin bi
keviran , wê bê cil dikin û bê rawestan lêdidin
ta mirinê , ji xwe yê wisa dikin zilam in ,
zilam hem di hêlê jinê de di lewziyan deye û hem
bi tûndî li dıjî ye . birastî hestekî bi êşe .
mînakekî dî li herêma Raniya herêmekî başur ê
kurdisan e ye , li kêleka bendava dukan laş ê
sê jinan hatin dîtin , bi bena hatine
xendiqandin paşî avêtine avê . gelo evqas jın
erzane ewqas bedewıya jiyan dıkeve nava agır de
! em ewqas di serdema pêşveçun û zanebûnê dene
. dibe ku gelek serdem derbas bun lê belê hîna
ew zihniyeta sîtemkar û tarîkirinê berdewame,
ger ew zihniyet ne kuştin tucar xweşikbuna jin û
jiyanê dernayê holê. Pêwîste jin tekoşînê pêşxe
bo her xweşikbun vegere cewherê xwe û mirovahiyê
xweşik bike .
Nêrgiz îsmayil
|
