|
|
Dunya PALE
Fermandarê
Biryargeha Navendî ya HPG’ê Nûredîn Sofî di
derbarê Hemleya 1’ê Pûşpera 2004 de daxuyanî
da.Sofî bal kişand ser girîngiya Hemleya 1’ê
Pûşperê ya têkoşîna azadiya gelê Kurd. Her wiha
Sofî bal kişand ser operasyonên dewleta Tirk ên
bi armanca tunekirinê li dar dixe jî, dîsa bal
kişand li ser amadekariyên gerîla yên ji bo şerê
gel ê şoreşgerî.
Sofî salvegera
heftemîn a pêngava Hemla 1’ê Pûşperê pîroz kir û
got; “Ji vir heya Îmralî em li Rêber Apo pîroz
dikin û silav dikin. Her wiha di pêvajoya
amadekariyên, ji bo Hemla 1’ê Pûşperê û xwediyê
keda mezin rêhevalê Erdal û di kesayeta wî de
hemû şehîdên Hemla 1’ê Pûşperê şehîd Adil, şehîd
Gulbehar, şehîd Nûda, şehîd Sîdar, şehîd Kurtay,
şehîd Mazlûm, şehîd Devrîm, bi hezaran şehîdên
şoreşa Kurdistanê û şehîdên Hemla 1’ê Pûşperê ez
bi bîr tînim, bejna xwe li ber wan ditewînim û
soza berdewamkirina têkoşînê didim wan. Destpêka
vê hemlê heta roja me ya îrogelê Kurdistanê me
tenê nehiştin, gerîla û şehîdên xwe xwedî
derketin.Di serî de li gelê Botan, Colemêrg, li
Zagrosan û li hemû Kurdistanê, gelê me îro li
hemberî zexta polîsên AKP’ê serî radike û ji bo
xweseriya demokratîk û azadiya xwe, serhildanê
dike, ez wan bi rêz silav dikim û vê rojê li wan
pîroz dikim”.
AKP SIYASETA
XWE YA ÎNKAR Û ÎMHAYÊ BERDEWAM DIKE
Nûredîn Sofî “Bi
komployeke navnetewî xwestin şoreşa vejînê,
nirxên mezin yên ku derketibûn holê û îradebûna
ku gelê Kurd bi dest xistibû, ji holê rakin. Ew
gelê ku tune bibû, Rêber Apo wî bi îrade kir,
kire xwediyê çandekî azad û demokratîk. Bi
dîlgirtina Rêber Apo re xwestin ku careke din
siyaseta înkar û îmhayê, ya ku di peymana Lozanê
de, ji hêla hêzên herêmê û navnetewî ve, li ser
esasê înkar û îmhakirina gelê Kurd hatibû
avakirin, xwestin wê siyasetê berdewam bikin” û
wiha domand; “Bi hatina hikûmeta AKP’ê ya ku di
sala 2002’ an li Tirkiyeyê hate ser
desthiladariyê, xwestin wê siyaseta înkar û
îmhayê bi encam bikin. Komploya navnetewî ya ku
bi dîlgirtina Rêber APO re, bi encam bibû,
xwestin ku li ser gelê Kurd bi tevayî pêkbînin.
Xwestin Îrade, rêxistin, tevger, partî û
artêşbûna Kurdan ji holê rakin.”
ÇANDA APOCÎ
ÇANDA BERXWEDANÊ YE
Sofî diyar kir
ku çanda Apocî çanda berxwedan ye û wiha qala
Hemleya 1’ê Pûşperê kir; “Her wiha di nava refên
PKK’ê de, mirovên qels û lawaz, yên ku îrade xwe
şikestibûn, di şer de bin keftibûn, radestî
qelsbûnên xwe bibûn, yên mîna Ferhad û Botan, ew
jî bibûn parçekî ji vê komployê û xwestin hem ji
derve û ji hindûr de êrîşekî li ser tevger û
gelê me bidin meşandin. Li hemberî wê siyaseta
radestbûnê ya ku di kesayeta Ferhad û Botan de
xwe da nîşan dan, siyaseta înkar û îmhayê di
kesayeta AKP’ê de, xwest li ser Kurdan ferz
bike.Her wiha li hemberî êrîşên navnetewî li ser
gelê Kurd û tevgera me, pêwîstî bi serhildan û
berxwedanekê hebû.Li ser vî esasî biryara 1’ê
Pûşperê, biryara berxwedanê bû û li nirxên
şoreşê û yên netewî xwedî derketinbûn. Ji ber wê
komploya navnetewî, gelê kurd gihîşte astekî
wisa ku, êdî bû xwediyê nirx, îrade û azadiyê.
Bi 1’ê Pûşperê re yan ev nirx careke dîtir ji
holê hatibane rakirin û li ser wî esasî bi destê
AKP‘ê wê li ser Kurdan siyaseta înkar û îmhayê
hatibane meşandin, nirxên ku hatine avakirin wê
tune bibana û radestbûn hatibane rûniştandin,
yan jî îradebûn, serhildan û berxwedan wê
derketibane pêş. Li ser vî esasî di serî de weke
ku min da xuyakirin, hevalê Erdal fermandarê me
yê mezin, heval Adil û Nûda di kesayeta wan de
bi hezaran hevalên şehîd di 1’ê Pûşperê de
îradekî mezin dane nîşandan. Çanda Apocîtî çanda
berxwedanê ye. Di tevger û çanda Apocî de
radestbûn tune ye, berxwedan, îrade û azadî
heye. Koletî tune ye. Ji ber vê yekê mirov
dikare bêje ku biryara 1’ê Pûşperê biryara
vebijartinê bû”.”
Di navbeyna
jiyan û mirinê de, di navbeyna azadî û koletiyê
de û di navbeyna berxwedanî û radestbûnê de,
biryara vebijartinê bû. Li ser vî esasî şehîdên
me, gelê me û partiya me vebijartina xwe ya di
riya berxwedanî û azadiyê de kirin û dest bi
Hemla 1’ê Pûşperê kirin.
Di van heft
salên derbasbûyî de hate xuyakirin ku, pêngava
1’ê Pûşperê pêngavekî dîrokî û bi wate bû. Heger
îro gelê me li ser piya ye û roj bi roj hîn
zêdetir ber bi azadiya xwe ve diçe, bi riya
berxwedana Hemla 1’ê Pûşperê ev yek pêş ket.
Weke tevger heger em îro zelal in û xwediyê,
biryar, tevger û hêzên, bi riya berxwedaniya 1’ê
Pûşperê ye.
Li hemeberî gelê
Kurd mîna sala 2004’an konseptekî îmhayê careke
din tê meşandin. Hikûmeta AKP bi rêbertiya
Erdogan dixwaze careke dîtir gelê Kurd bixapîne
û bi polîsên xwe, bi kîmyasala xwe ya ku li ser
gerilayên Kurd dide bikaranîn, hevalên me her
roj bi wê şehîd dixîne, dixwaze careke dîtir
siyaseta înkar û îmhaya 80 salî ya komara Tirk
li hemberî Kurdan hîn xurtir bike. Li dijberî
viyanbûyîna gelê Kurd careke dîtir dixwaze
siyaseta komkujiyê bide meşandin. Rixmê hemû
hewl û fedakartiya Rêber Apo ji boçareserkirina
pirsgirêka Kurd bi şêwazên aştiyane jî, hikûmeta
AKP’ê di îmhayê de bi israr (heter) e.”
Weke gelê Kurd û
tevger, em îro careke din bi pêvajoyeke dîrokîre
rû bi rûne. Di vê pevajoyê de jî vebijartinek li
pêşya meda ye. An em ê berxwedanêk bê hempa
berdewam bikin û bigihêjînin serkeftinê, an jî
wê şensê jiyanê ji bo kurdan nemîne û komkujî
têkevin rojevê de. Piratîka Biharê raber kir ku
hikûmeta AKP ê, polîsên wê û artêşa dewleta Tirk
ya ku bi kîmyasalê, bi şêwazekî bêbext û qirêj
êrîşî ser gerîla û gelê me dike, niyeta wan ew e
ku careke dîtir vê konsepta îmhayê têxin rojevê
de. Ji bo vê yekê em jî weke gel, tevger û weke
gerîla bi vebijartinekî re rû bi rû ne. Ew
vebijark ewe ku emê li nirxên xwe xwedî
derbikevin û bigihînin encamê. Em ê li azadiya
xwe xwedî derkevin û emê xweseriya demokratîk di
Kurdistana azad de avabikin. Cangoriyên wê çi
dibin bila bibin, tevgerekî ku ewqasî cangorî
dabin, ji dayîna cangoriyan natirs e. Tevgereke
ku bi hezaran şehîdên xwe hebin, çawa wê van
nirxan bigihîne serkeftine dizane û hêza wê ya
çûyîna serkeftinê jî heye. Li ser vî esasî hêza
ku me ji fikir û ramanê Rêber APO girtiye, ji
xwedî derketina gelê xwe, ji serhildanên gelê
xwe û ji şehîdên xwe digirin, me ber bi pêşve
dibe.Vebijarka me,me ber bi azadiyê ve
dibe.Hemla 1’ê Pûşperê ya sala 2011’ an jî wê di
biryarbûna azadiyê de me hîn zêdetir xurtbike”.
“SALA 2011 AN
WÊ BIBE SALA ŞERÊ GELÊ ŞOREŞGERΔ
Sofî bal kişand
ser girîngiya sala 2011 ji bo pirsgirêka Kurd û
got; “weke HPG ê, pratîkên me yên heft salên ku
derbasbûyî, em dinirxînin. Di vê pratîka heft
salan de me gelê kurd azad nekir û nebir
serkeftinê, em rexnedayina xwe di vî warî de
didin gelê xwe. Ji ber ku gerilayetiya Rêber Apo
dibêje, gerilayetiya serkeftine ya Egîdan
e.Meweke ku tê xwestin ew şêweyên gerîlatiyê
neda rûniştandin, em rexnedayîna xwe didin.
Gerîlayên me di hinek deman de pak(saf) nêz
dibin, ev jî ji bo gerîlayekî/ê mirin û xeflet
e. Rêber Apo xefletê weke îxanetê dinirxîne û di
vî warî de kêm û kurtiyên me hene. Niha em vê
rewşê dinirxinin, bi taybetî jî sedemên ev
şahadetên vê dema dawiyê de hatin jiyan kirin bi
kûrahî dinêrxinin. Em hember gelê xwe jî di vî
warî de rexne dayînê xwe didin. Em li beramberî
wan hevalên şehîd û gelê xwe rêzdariya xwe tînin
ziman. Lê bila herkes bizanibe ku em weke HPG’ê
gerîlayên serkeftine bin. Di şer de tecrûbeyên
me yên 27 salan heye, fikir û ramanên Rêber Apo
hişmendî û riya me ronak dike, berxwedaniya
şehîdên me riya me ronak dike. Em xwedî şehîd û
gelê xwe jî derkevin”
‘DILOPEK
XWÎNA ŞEHÎDÊN ME LI ERDÊ NEMÎNE’
Sofî diyar kir
ku ew ê xwîna gerîlayên ku jiyana xwe ji dest
dane li erdê nemîne û wiha pêde çû; “HPG’ê ji bo
şehadetên di pêvajoya derbasbûyî hatin jiyîn de
soz dide gelê xwe ku wê dilopek xwîna şehîdên
xwe li erdê nehêle, wê tola şehîdan bê hildan.
Bi van rê û rêbazên bêbext, kîmyasalên qirêj yên
ku têkiliyên xwe bi mirovahiyê re nînin, hevalên
me şehîd xistin, lê belê ev yek nayê wateya ku
wê tola wan neyê rakirin. PKK’ê bi cewherê xwe
tevgerekî tolhildanê ye.Tu carî dilopek xwîna
Kurdan li erdê nehiştiye û wê nehêle, di vî alî
de bila gumana tu kesî/êtunebe”.
‘GERÎLA XWE
JI BO ŞERÊ GEL Ê ŞOREŞGERÎ AMADE DIKIN’
Fermandar HPG’ê
Nûredîn Sofî balkişand ku dewleta Tirk rêzikên
leşker, exlaqî û dadê bin pê dike û wiha dewleta
Tirk û hikûmeta AKP’ê hişyar kir; “Sala 2011’ an
ji bo gerîla dê bibesala şerê gel ê şoreşgerî û
sala serkeftine. Artêşa Tirk rêzikên leşkerî,
exlaqî û dadê yên navnetewî bin pê dike û
kîmyasalê li hemberî me dide bikaranîn. Em
hikûmeta Tirk û raya giştî şiyar dikin ku bila
bizanibin em di vî alî de bê çare nînin, rê û
rêbazên ku em jî bi kar bînin hene. Li vê derê
ez kesekî/ê tehdîd nakim, lê belê heger ew rê û
rêbazên ne huquqî yên kîmyasalê û bêbext li
hemberî me bikarbînin, emê jîrê û rêbazên cuda
bi kar bînin. Em ê parastina xwe bi şêwazên cuda
bikin, bila di vî derbarî de gumana tu kesî tune
be.”
ERDOGAN Û
HIKÛMETA AKP’Ê HIŞYAR KIR
Sofî hikûmera
AKP û arteşa tirk hişyar kir û wiha berdewam kir
“hikûmeta AKP’ê Erdogan û artêşa bila dev ji van
rê û rêbazên ne mirovayî, ne exlaqî û van çekên
kîyawî berdin. Kesekî mîna Sedam li hemberî gelê
Kurd ev çekên kîmyaî nedida bikaranîn, lê belê
encama Sedam li ber çavan e. Hikûmeta AKP ‘ê û
artêşa Tirk ji xwe re pergala Sedam wane
derxînin, ji ber ku gerilayên kurd bê çare nînin.
Li ser vî bingehî ez bangewazî raya giştî û
kesên demokrat dikim ku di vê derbarê de bila
xwedî li erk û wezîfeyên xwe derbikevin.”
Em weke HPG’ê
xwe ji bo şerê gelê şoreşgerî amade dikin,
saziyên xwe li ser vî esasî didin çêkirin û di
textîk de kêm û kurtiyên xwe li berçav re derbas
dikin. Ji bo ku em xwe bigihînin textîkên
serkeftine, em xwe berçav re derbas dikin.”
‘EM REXNEYAN
ANALÎZ DIKIN
Nûredîn Sofî
destnîşan kir ku ew rexneyan analîz dikin û wiha
berdewam kir; “Li ser me rexneyên Rêber Apo û
gelê me hene, em wan rexneyan di nav xwe de
analîz dikin, dinirxînin û em ê jê dersan
derdixînin. Ji bo ku li Kurdistanê her şehadetek
sedemê hemlekê be û tola Mazlûm û Devrîman li
erdê nemîne, em ê xwe bi tevger bikin û biçin
ser dijminê xwe de. Bila gelê kurd piştrast be,
amadekariyên gerîla di vî der barî de hene. Ji
bo ku Hemla 1’ê Pûşpera sala 2011’an bibe
Pûşpera serkeftne, amadekariyên me hene”.
‘EM
BERXWEDANA GELÊ XWE BI RÊZDARÎ SILAV DIKIN’
Sofî berxwendana
gelê Kurd û ya xwedîlêderketina li cenazeyên
gerîlayên ku li Qilabanê jiyana xwe ji dest dan,
silav kir û got“Em berxwedaniya gelê xwe di serî
de gelê me yê Botanê yê ku xwedî li şehîdên xwe
derket, cenazeyên şehîdên xwe dibin tang û topan
de, di bin zexta artêşa Tirk û polîsên AKP’ê de
girt anî û bi şêwazekî hêjayê lehengiya wan ew
definkirin, em berxwedana wan bi rêzdarî silav
dikin.”
Sofî wiha
axaftina xwe bi dawî kir “Ji bo ku sala 2011’an
bibe sala serkeftine, em weke gerîla xwe bi
fikir û ramanên Rêber Apo ve kûr dikin, di aliyê
hişmendî û wijdan de dixwazin şoreşê çêbikin. Ji
bo ku em di aliyê textîk de fermandarên
serkeftine bin û li ser xeta Egîdan bimeşin, em
soza xwe bi Rêber Apo re nû dikin. Em soza
berdewamkirina Hemlê 1’ê Pûşbere heya azadkirina
Rêber Apo û gelê kurd didin. Hemla 1’ê Pûşperê
wê careke din bibe roja serkeftin û Zayîna Gelê
Kurd.” |
