|
Serokê Konseya
Rêveber a KCK’ê Mûrat Karayilan derbarê êrîşa
dewleta Îranê ya li ser Qendîlê de got; “Armanca
Îranê ew bû ku Hikûmeta Herêmê jî beşdar bike.
Lê dema ew beşdar nebûn vê carê ew jî bûn hedef.
Dixwaze bi vî awayî were Qendîlê bigire derbe li
me û PJAK’ê bixe. Lê biketina Qendîlê dixwaze
zextê li hemû Kurdan bike.”
Serokê Konseya
Rêveber a KCK’ê Mûrat Karayilan daxuyaniyên
girîng da û diyar kir ku hedef netenê PJAK e,
KCK-PKK, hêzên Rojhilat, Başûr û PDK jî di
hedefê de ne. Karayilan derbarê helwesta hêzên
Başûrê Kurdistanê de jî got; “Nunerên Hikûmeta
Herêmê diviyabû ev proje red bikiriba. Lê gotine
em nikarin beşdar bibin, şert û mercên me dest
nadin, em di aliyê leşkerî de nikarin beşdar
bibin. Lê em ê dora Qendîlê bigirin. Ev yek jî
tê wateya erêkirinê.”
Dixwazin
Qendîlê dagir bikin
Daxuyaniyên
Mûrat Karayilan wiha ye: “Dewleta Îranê dixwaze
Qendîlê dagir bike. Berê dem bi dem dewleta
Îranê Başûrê Kurdistanê topbaran dikir.
Çalakiyên PJAK’ê jî ji bo vê yekê dikir hincet.
Salek e zêdetire PJAK’ê çalakî nekirine. Artêşa
îranê jî operasyonên we yên di hundir de
rawestandin. Li holê aramiyek hebû. Lê artêşa
Îranê di çarçoveya plana êrîşek berfireh de, di
16 Tîrmehê de êrîş bir ser Qendîlê. Li herêmên
di bin çavdêriya PJAK-HRK’ê de dest bi şer kir.
Lê hedef ne PJAK e, hedef piraniya Kurdan e.
Siyaseteke pir qirêj û gemar dimeşîne. Îranê di
berê de jî li hemberî Kurdan hertim bi awayeke
veşarî siyaseta xwe meşandiye. Niha jî armaceke
wiha heye.”
Dixwazin
Kurdan bê hêz bikin
Dixwaze bi
siyaseta qirêj û textîkên xwe di vî şerî de bi
ser bikeve. Niha Îran bi xwe di nava tengasiyê
de ye. Di pêşengiya Emerîkayê de, hêzên
navnetewî embargo li ser Îrnê danîne. Her ku
diçe dixwazin Îranê dorpêç bikin. Îran di hedefê
de ye. Ne îro, sibe an du sibe. Îran baş dizane
ku wê dawiya pêşketinên li Rojhilta Navîn xwe
bigihînin Îranê. Îran li gel xwe hesabê xwe
dike. Îran dibêje ku Kurdan di hilweşandina
rejîma Îranê de rol wergirtin, Kurd li Sûriyeyê
jî bi hêz in ew ê di hilweşandina rejîma Îranê
de jî rol werbigirin. Dibêje divê ez Kurdan bê
hêz bikim, parçe bikim”.
Îranê dixwest
hikûmeta kurd jî beşdar bike
Îranê dixwest ku
Hikûmeta Herêma Kurdistanê jî beşdarî vê plana
xwe bike. Ger Hikûmeta Herêma Kurdistanê beşdar
bibe, çi dibe? Plan ew e ku di nava Kurdan de
dînamîtê biteqîne ku bi xwe şerê hev bikin.
Nunerên Hikûmeta Herêmê diviyabû ev proje red
bikiriba. Lê gotine em nikarin beşdar bibin,
şert û mercên me dest nadin, em di aliyê leşkerî
de nikarin beşdar bibin. Lê em ê dora Qendîlê
bigirin. Ev yek jî tê wateya erêkirinê. Ev yek
cihê rexnekirinê ye. Lê piştre Hikûmeta Herêma
Kurdistanê xwe neda ber û proje nexist meriyetê.
Piştî ku hikûmeta Herêmê ev proje nexist
meriyetê, ew jî li rastî gefên Îranê hatin.
Mînak devera Hecî Umran topbaran kirin. Li ser
herêmên bi taybet di bin çavdêriya PDK’ê
topbaran kirin, gef zêde kirin. Heta Serokê
Herêma Kurdistanê Birêz Mesûd Barzanî li dijî
topbaranê daxuyanî da. Dev avêtin wî jî. Ew jî
tawanbar kirin û gotin ew terorê dihewîne.
Di hedefê de
PDK jî heye
Armanca Îranê ew
bû ku wana jî beşdar bike. Lê dema ew beşdar
nebûn vê carê ew jî bûn hedef. Dixwaze bi vî
awayî were Qendîlê bigire derbe li me û PJAK’ê
bixe. Lê biketina Qendîlê dixwaze zextê li hemû
Kurdan bike. Bi taybet li ser Partiya Demokrata
Kurdistanê (PDK) û hemû hêzên Başûrê Kurdistanê
wekî tehdîdek be û zextê li wana bike. Dixwaze
siyaseta xwe li ser wana ferz bike. Polîtîkayê
Îranê wiha ye, dibêje an tu wê li gel min bî an
jî li dijî min bî.”
Helwesta
hêzên başûr
Mirov niha li
vir hem rexne û hem jî tiştên erênî dibîne.
Mijarê rexneyê ew e ku çima di pêşiyê de red
nekirin. Niha jî erênî ye; tişta erênî ew e ku
hêzên Başûrê Kurdistanê beşdar nebûn û xwe jê
dûr gitin. Niha jî, di seknekî ne xirab de ne.
Divê Kurd li hember vê xêrnexwaziyên dagirkeran
û êrîşa rejîma Îranê hemû yek bin. Armancên
Îranê yên kûr hene.
Em weke KCK’ê
dibêjin ku derdorê Îranê dorpêçkirineke
navnetewî heye. Nabe ku Kurd li hemberî Îranê
şerê çekdarî bimeşînin. Divê Kurd bê alî bin.
Divê Kurd ne bi şerê çekdarî, bi xebatên siyasî
li Îranê têbikoşin. Ji bo şerê çekdarî nebe, em
gelek hewl didin. Ji ber wê jî em pir bi
rêveberiya PJAK’ê re gotûbêj dikin û ji wana re
pêşniyar dikin ku xebatên siyasî bidin pêş.
Têkiliya me bi Îranê re hene, me bang li wan jî
kir. Kurd di demeke wiha de ne pêwîst e ku bi
dewleteke weke Îranê re şer bike. Lê ji ber ku
ew ji xwe ditirsin. Ji her kesê ditirsin û ji
Kurdan jî ditirsin”.
Di dizayna nû
de cihê kurdan naxwazin
Niha PJAK li
Dola Kokê li ber xwe dide. Lê hedef ne PJAK e.
Vaye li hemberî Xinêre û Xakûrkê jî dest bi
êrîşan kiriye. Îranê ne tenê PJAK, hemû KCK,
Kurdên Rojhilat, Başûr û PDK ji bo Îranê hedef
in. Bi vê yekê dixwazin Kurdan lewaz bikin. Ev
plana Tirkiye û Îranê ne. Yên ku niha şer jî
dikin piraniya wan Tirk in, em vê yekê baş
dizanin. Hêzên taybet ên Tirkiyeyê jî di nav de
ne. Dixwazin stratejiya Kurdan lewaz bikin,
Kurdan berdin hev û krîzeke nû di nava Kurdan de
biafirîne. Şerekî taybet e. Dixwaze Qendîlê
bigire. Dixwaze peyamê bide herkesê. Bi vê yekê
dixwaze stratejiya Kurdan lewaz bikin. Rojhilata
Navîn ji nû ve tê dîzaynkirin, dixwazin ku di vê
dîzaynê de cihê Kurdan tune be.
Naxwazin
Kongreya Netewî ya Kurd pêk were
Di 14’ê Tîrmehê
de Xweserî hat îlankirin û Îranê jî di 16’ê mehê
de êriş kir. Ev hemû bi hev ve girêdayî ne.
Dixwazin vê yekê provaka bikin. Dixwazin komplo
li Kurdan bikin û projeya Kongreya Netewî ya
Kurdan dayî pêşiya xwe bi ser nekeve. Careke din
Xweseriya Demokratîk li Bakûr bi ser nekeve. Ji
ber wê jî Îran û Tirkiye projeyekê dagirkeriyê
li ser Kurdan dimeşînin. Dixwazin kaosekê
çêbikin. Ev mudaxele li hemberî vîna gelê Kurd
e. Îran negihişt armanca xwe. Berxwedana hevalên
PJAK’ê berxwedaneke hêja û pîroz e. Îranê nêzî
30 hezar leşker aniye û teknolojiya herî xurt bi
kar tîne, heta niha sed metre pêş de hatibin, lê
bi ser neketiye.
Di dirêjiya
10-15 km de şerek e dijwar heye. Îran
teknolojiyeke pir xurt bi kar tîne. Lê li rastî
berxwedaneke hêja ya gerîlayan hat. Artêşa Îranê
nikare ber bi pêş de were. Rawestiyaye û
xetimiye. Dibe li hinek aliyên din êriş bike.
Dibêje me biryargehên PJAK’ê bi dest xistiye’ lê
ka, te heta niha sînor derbas nekiriye.
Meseleya
sînor heye…
Niha meseleyek a
sînor jî heye. Bila gel vê yekê bizane. Li gorî
zagonên Neteweyên Yekbûyî, divê qereqol li piş
xeta sînor bêne çêkirin. Îran tê li ser sifirê
qereqolê çêdike. Niha jî dixwaze bi qasî 10 km
xaka Başûrê Kurdistanê ji xwe re bigire. Ya
duyem jî di sala 1974 de, peyman qirêj a
Cezayîrê, di navbera Iraq û Îranê de hat
morkirin. Di vê peymanê de dibêjin ku sînor
hatine nûkirin. Lê di herêma Qendîlê de sînorê
dema Osmaniyan heye, Îran dibêje na, dixwaze
sînorê xwe li ser navsera Qendîlê deyne û dibêje
ew e sînorê min e.
Me biryara
şer li hemberî Îranê nedaye
Îran dixwaze
were navsera Qendîlê bigire. Dema Dola Kokê
girt, wê piştre jî Dola Eyşê û bi vî awayî ew ê
li ser Qendîlê bibe serdest.
Me weke PKK-KCK
li hemberî Îranê biryareke şer nedaye. Em îlan
jî nakin. Ji ber ku ev şerê Îran dike, ne şerek
rast e. Spaha Pastaran a Îranê vî şerî dimeşîne.
Ne ji bo berjewendiyê Komara Îslamî ya Îranê ye
jî, Kurdan hemû dike hedef. Feyda vî şerî ji bo
tu kesekî tune ye. Lê em ê heta dawiyê PJAK’ê
destek bikin. Ger werin ser me, em ê mafê
parastinê bi kar bînin. Bila dewletên dagirker
êdî baş bizanin ku Kurd li hemberî wan stuyê xwe
xwar nake. Fêr bûne hema berê tank û topên xwe
didin Kurdan. Dibêjin bila her kes ji ber wan
birevin. Na wisa, em narevin. Divê êdî baş
bizanin ku Kurd jî êdî hêz in, xwedî îrade ne, û
divê ji vê îradeyê re rêzê bigirin. Dixwaze vîna
gelê Kurd bi dagirkirina Qendîlê biceribîne. Lê
bila gelê me baş bizane, di van 13 rojên dawî de
çawa derbas bûye, wê ji niha û pêve jî wisa be”.
Mesele hemû
kurdin
Mesele ne PJAK
an jî PKK ye. Mesele hemû Kurd in, polîtîkayeke
dijminan e û dagirkeriyê ye. Tiştek wiha di
Îslam û biratiyê de tune ye. Kê ji Îranê kiriye.
Em dibêjin bila Îran li hemberî Kurdan
operasyonên leşkerî neke, bila darvekirinan
rawestîne. Divê Kurd jî şerê çekdarî nemeşînin,
çalakiyên siyasî bimeşînin. Em vê diparêzin. Lê
Îran dixwaze bi leşkerî encam bigire. Ev yek ne
gengaz e.”
Dibe Îran
êrîş berfirehtir bike
Dibe Îran êrişê
berfirehtir bike. Aliyê Xinêre, Xakûrê û Qendîlê
bike hedef. Lê divê Îran dest ji vê yekê berde.
Ger dest jê neberde ew ê zirar bike. Em naxwazin
di demek wiha de bibin alîgir. Em naxwazin
zirarê bidin Komara Îslamî ya Îranê. Lê em
dikarin her tişê ji bo parastina gelê xwe, ji bo
şeref û rûmeta gelê xwe bikin. Divê kes me
neceribîne. Ez niha tiştek bêjim, bila weke gef
neyê fêmkirin. Niha Îran ewqas êrîş dike, ger em
weke PKK’ê, dest ji şerê li hemberî Tirkiyeyê
berdin û şerê Îranê bikin, ew ê çi bibe? Ez di
wê baweriyê de me ku Îran nikare 6 mehan li
hemberî me bisekine. Divê xwe şaş neke. Em
naxwazin vê bikin. Ji ber wê jî divê hevalên
PJAK’ê xwe biparêzin. Ger bêne ser me, em jî dê
xwe biparêzin, lê em naxwazin şerekî berfireh çê
bibe”. ANF
|
