|
|
Bi mabesta êrîşên dewleta Tirk li ser daxwazên
gelê Kurd yên rewa û demokratîk li wargeha
peneberan a
Mexmûr daxuyaniyek hat dayîn. Daxuyanî li
şaredariya wargehê bi tevlîbûna endamê meclîsa
Gel a Mexmûr û serokê şaredariyê pêkhat.
Daxuyanî ji aliyê endamê meclîsa gel a Mexmûrê
Yûsif Sîdar ve hat xwendin. Di daxuyaniye de tê
gotin ku dewleta Tirk li dijî nûnerê Kurd û konê
çareserî û demokrasiyê êrişan dike û wiha
derbirî “Bi taybetî pîrozbahiyên cejna Newrozê
ya 2011 nîşaneya vê ya berbi çave. Li her çar
parçeyên Kurdistanê pîrozbahîyên bi heybet bi
ruhekî serhildanê hatin pîrozkirin. Li hember vê
hêza gel ya berxwedanvanî,polîs û leşkerên AKP ê
xwe neragirt, ji bo pêvajoyê tahrik bike li
aliyekê operesyonên xwe yên leşkerî li hember
hêzên Gerîla yên ku di pozîsyona bêçalektiyê
dene didin meşandin û xwîna ciwanên Kurd
dirijîne. Li aliyeke din jî li dijî çalekiyên
gel yên demokratîk, bi taybetî li hemberî konên
çareseriyê yên ji aliyê gel ve hatîn vedan ku
alikariyê didin çareseriyê, bi her awayî
hovîtiyê li ser dimeşîne. Ev jî durutiya Tayîp
Erdoxan ya ku her roj bang li dewletên Ereb dike
ku xwîna gelê xwe nerijîne û nesîhetên
çareseriyê li wan dike, her wekî ku li welatî wî
hertişt gul û gulistane, dixwaze bide nîşandan.
Ev jî sextekartiya AKP ê dide diyarkirin.”
Di daxuyaniyê de
balhat kişandin siyaseta reş kirina li dijî
nûnerê Kurd wiha got “Em weke gelê wargeha
penaberan ya Mexmûrê, helwest û rihê gelê Kurd
yê bi rûmet yê berxwedanvanî silav dikîn û
têkoşîna vedana konên çareseriya demokratik bi
rûmet û pîroz dibînîn. Ew êrîşên ku li hemberî
vê hewldana wan tên meşandin, bi awayekî tundî
şermezar dikin. Banga me ji tevahî gelê Kurd yê
birûmet re çi di welat çi jî derveyî welat dijîn,
dengê xwe li hember vê hovitiyê bilind bikin.
Her wiha pêwîste herkesê ku dibêjin em mirovin û
mafê mirovan diparêzin, bila çavên xwe li hember
vê hovitiyê negirin, li aliyê têkoşîna gelê Kurd
yê mafdar cih bigire.”
Daxuyanî bi
duruşma “Bijî Serok Apo û An Azadî An Azadî” bi
dawî bû.
|
