|
Serokatiya Konseya Rêveber a KCK’ê ragihand ku
ji bo pêkhatina çareseriyeke makezagonî divê
şerê heyî bi
dawî bibin û diyar kir ku heta artêş û polîs
operasyonên xwe ranewestînin, wê hewldanên
agibesta yek-alî têra vê yekê neke. KCK’ê
ragihand ku divê ji bo pêşxistina pêvajoya
bêçalaktiyê, ev her du merc bê ku dereng bimîne
werin pêkanîn.
Rêberê
Gelê Kurd Abdullah Ocalan di 15’ê Pûşperê de
banga ‘Ji bo çareseriya makezagonî divê şerê gel
ê şoreşgerî nekeve dewrê’ li KCK’ê kiribû. KCK’ê
vê bangawaziya Ocalan nirxand û ji KCK’ê
daxuyaniya rayagiştî li bendê bû da. Ocalan
diyar kiribû ku di van şert û mercan de pêvajoya
bêçalaktiyê tenê dikare çend mehan bidome û
gotibû; “Divê Meclîs tavilê bicive. Ji bo ez
bikaribim ji bo çareseriyê rol bileyîzim, divê
Meclîs bang li min bike. Ger meclîs vê yekê
bike, ez jî dê hêzên çekdar bikişînin herêmên
şer lê neyî û her wiha ji bo yên din jî tişta ji
destê min were, ez ê bikim. Divê Meclîs pêşiya
min vebike.”
Despêkeke nû
Daxuyaniya KCK’ê wiha ye: “Encamên hilbijartina
12’ê Pûşperê ku li Tirkiyeyê pêk hat zemînek pir
baş ji bo çareserkirina pirsgirêka Kurd bi riya
aştiyane û demokratîk, her wiha ji bo
demokratîkbûna Tirkiyeyê afirand. Ger serkeftina
Eniya Ked, Demokrasî û Azadiyê, wergirtina ji
sedî 50 yê dengan a AKP’ê û hinek peyamên erênî
yên ku CHP’ê di dema hilbijartinê de dane baş
werin nirxandin, wê li Tirkiyeyê lihevkirineke
civakî pêk were û ev yek wê ji bo pêvajoya
çareseriya makezagona demokratîk destpêkek nû
be.
Teqez divê şer û pêvçûn bi dawî bibin
Jixwe
gelek aliyên civakê jî diyar dikin divê bi
avakirina meclîsa nû ya ku wê bi encamên
hilbijartina 12’ê Pûşperê were avakirin, meclîs
rolê xwe bileyîze û divê ji bo ji nû ve
avakirina demokrasiya Tirkiyeyê, makezagoneke nû
ya sivîl a demokratîk were amadekirin. Ji bo
pêvajoya çareseriya makezagonî bi awayek saxlem
bimeşe, divê şer û pevçûn bi dawî bibin û bi
beşdariya hemû alî û derdoran makezagona nû were
nîqaşkirin.
Me
bangawaziya Ocalan bi baldarî nirxand
Rêber
Abdullah Ocalan van şert û mercan li ber çavan
girtiye û bi riya parêzerên xwe ragihand ku
pêjoya çareseriya demokratîk ji hemû deman
xurtir e û diyar kir ku ev pêvajo dest pê
kiriye. Lê ji bo vê yekê pêwîst dîtiye ku
pêvajoya şer û pevçûnan bi dawî bibe û li ser vî
bingehî ji bo afarinadina pêvajoyek bê şer û
pevçûn bang li aliyên peywendîdar kiriye. Her
wiha di heman demê de ji bo pêvajoya çareseriya
makezagonî bi ser keftî pêk were û bikaribe rola
xwe bileyîze bang li Meclîsê kiriye. Bê guman
nirxandinên Rêber Abdullah Ocalan rast in û
daxwazên wî di cih de ne. Em weke Tevger vê
bangawaziyê dinirxînin û me biryar daye ku tişta
dikeve ser milê me divê em pêk bînin. Lê belê
hemû rayagiştî û gelê me baş dizane me ji sala
1993 ve gelek caran agirbestên yek-alî ragihand,
lê ev agirbest û hewldanên me yên ji bo aşitiyê
bê encam mane û encameke mayînde derneketiye
holê. Herî dawî me pêvajoya bêçalaktiyê di 13’ê
Tebaxa 2010 de da destpêkirin û me heta 15’ê
Pûşpera 2011 de domand. Hemû gelê me û rayagiştî
di der barê vê mijarê de xwedî agahî ne. Lê hemû
hewldanên me yên yek-alî,vegera gerîlayan ya ji
bo baregehên xwe, projeyên çareseriyê yên ku
Rêberê me di şert û mercên tecrîdê de amade kir
û pêşkêş kir, ji bo pêkanîna çareseriyeke
demokratîk têrê nekirin. Ji ber ku hikûmet û
artêşê helwestek erênî ya pêwîst nîşan neda,
hewl danên me û derdorên demokratîk ên ji bo
aştiyê bê encam man. Ger niha jî civaka
Tirkiyeyê bi hestiyarî nêzîk nebe, dewleta Tirk
di polîtîkaya xwe ya heta îro dimeşîne de israr
bike, operasyonên leşkerî û polîsî ranewestin,
hewldanên Tevgera me yên ji bo çareseriya
demokratîk a makezagonî wê ne bes bin.
Du
xisusên girîng
Bi vê
sedemê ji bo ku pêvajoya bêçalakî û çaraseriya
makeqanûnî pêk bê, em diben ku divê du xisus pêk
were:
1-
Meclîsa Tirkiyeyê (TBMM) ku dest bi serdema nû
dike ji bo ku pirsgirêka kurd çareser bibe divê
şert û mercên Rêberê Gelê Kurd Abdullah Ocalan
bên serarastkirin bang bê kirin ku rola xwe
bilîze.
2-
Li ser navê dewleta Tirkiyeyê û hikumetê divê
Serokwezîr an jî rayedarekî girîng bang bike ku
pirsgirêka kurd bi riya tasfiyekirin û
îmhakirinê nayê çareser kirin encax bi riya
diyalog û aştiyan e bê çareserkirin, ji ber vê
yekê operasyonên polîsî û leşkerî hatine
rawestandin û vê yekê deklereyî raya giştî
bikin, starta çareseriyê bidin.
Bi
pozîsyona agirbesta dualî gengaz dibe
Xûya
ye ku encax ji hêla dewlet û hikumetê ve gaveke
vekirî û bi bawer bê avêtin ku ev pirsgirêk bi
bingeha makeqanûniyê bê çareserkirin. Nexwe
heger ku tu gavên berçav neyên avêtin, li ser
hêzên me operasyon û tasfiyekirin bê ferzkirin
ne gengaz e ku agirbestiya yekalî bidome.
Pêvajoyeke aştiyane û mayînde encax bi pozisyona
dualî ya agirbestê bi gengaz bibe. Daxwazeke
wiha ya fedakariyeke yekalî ne nêzîkbûneke dadî
ye. Ligel vê yekê dirêjkirina pêvajoyeke nediyar
û bê çareserî jê ne gengaz e ku bidome. Em wekî
aliyê kurd ligel hemû helwesta me ya çareseriyê
heger ku mijulkirin û tasfiyekirin bê ferzkirin
ji encamên derbikevin holê dewlet û hikumet
berpirsiyar dibînin. Gelê Kurdistanê xwedî
vîneke bi hez e ku çareseriyeke alternatîf pêk
bîne. Ji ber vê yekê girîng e ku dewlet vê
pêvajoyê bi rast binirxîne, vîna çaraseriya
demokratîk nîşan bide. Ev yek ji bo pêşeroja
Tirkiyeyê girîng e. Polîtîkayên înkarkirin û
tasfiyekirinê yên li ser Kurdistanê hatine
meşandin heta niha vala derketine.
Di
dîrokê de care yekeme kurd yekitiya xwe ewqas
avakirine
Encama
herî girîng a 12’ê Pûşperê de derketiye holê ew
e ku gelê Kurdistanê çareseriya aştiyane û
demokratîk û Xweseriya Demokratîk erê kiriye.
Divê hemû derdor ji vê yekê re rêzê bigire û bi
vê bingehê perspektîfa çareseriyê bide
destxistin. Di dîrokê de yekemîn car e ku gelê
Kurdistanê yekîtiya xwe ewqas xurt kiriye û bi
piştgiriya hêzên Tirkiyeyê yên çepgir û
sosyalîst asteke girîng derxistiye holê.
Perspektîfa Xweseriya Demokratîk û Komara
Demokratîk bi Eniya Ked, Demokrasî û Azadiyê
hatiye erêkirin. Ev ji bo pêşeroja Tirkiyeyê
girîng e.
Tişta ku bikeve ser milê me em pêk bînin
Ev
rastî ji bo ku pêvajoyeke aştiyane û
çareseriyeke demokratîk pêş bikeve girîng e.
Pêşveçûnên li herêma me û li Rojhilata Navîn
ferz dike li Tirkiyeyê netewîbûna demokratîk û
komara demokratîk ferz e. Bi nêzîkbûyîna vê
perspektîfê aşkera ye ku çareserkirina
pirsgirêka kurd wê Tirkiyeyê di warê aborî û
civakî de pêş bixe. Tirkiyeyek ku aştiya civakî,
yekîtiya gelan pêkanî, çêkirina makezagoneke bi
tevlîbûna hemû derdoran girîng e û Tirkiye dê
bibe hêzeke demokratîk ku li herêmê bibe navend
û her awayî pêşketî. Têkoşîna gelê Kurdistanê û
hêzên demokratîk şert û mercên vê yekê pêk
anîne.
Ger ku
dewlet û hikumet ji bo pêvajo pêş bikeve gavên
pêwîst biavêje, em wekî tevger ji bo ku
pêvajoyeke aştiyane û çareseriyeke demokratk pêk
bê çi bikeve ser milê me em dê pêk bînin. Em
bang li hemû gelê xwe û hezên demokratîk ên
aştîxwaz dikin ku bi hestiyar bin, rola xwe ya
ji bo çareseriyeke demokratîk û aştiyane pêk bê
bilizîn.”
|
