|
Rayedarên KCK’ê
biryara ku di 13’ê tebaxa 2010’an de aşkera
kiribûn roja 30’ê Îlona 2010’an bi civîneke
çapemeniyê daxuyandin ku demeke din dirêj kirin.
Ev biryara KCK’ê di raya giştî de rastî
eleqeyeke mezin hat. Hin derdorarên ku bi riya
aştiyane dixwestin pirsgirêka kurd çareser bibe
û raya giştî ya demokratîk li hêviya
daxuyaniyeke wiha bûn û dixwestin. Jiber vê yekê
vê daxuyaniya KCK’ê ji van daxwazan re bû bersiv.
Ev biryara
îlankirina bêçalakitiyê ji aliyê raya giştî ya
demokratîk û van derdoran ve bi erênî hate
pêşwazîkirin û di heman demê de bala her kesî
zivirand ser hikûmeta AKP'ê. Ji ber ku gavên
hikûmeta AKP'ê biavêje him dê dema biryara
bêçalakîbûnê him jî pêşketinên piştî vê yekê pêk
bên diyar bike. Hatiye ragihandin ku li gorî
gavên hikûmeta AKP'ê biavêje û ewlekariya ku
biafirîne dê biryar di ber çavan re bê
derbaskirin. Dîsa ragihandin ku li gorî encama
vê yekê dê biryara bêçalakîbûnê dirêj bikin an
mayinde bikin. Divê ev daxuyaniya rêveberên
KCK'ê rast bê xwendin û nirxandin. Ev mijareke
girîng e. Divê baş bê fêmkirin ka rêveberên
KCK'ê çima zimanekî wisa bi kar tînin û mafê vê
yekê jî bidinê.
KCK'ê beriya
niha jî biryarên agirbest û bêçalakîbûnê
standibûn û ev biryar bi cih jî anîbûn. Herî
dawî di 13'ê Tebaxê de biryareke bi heman rengî
girtibû, xiste meriyetê. Lê belê ev biryar jî
yekalî hatin standin, ji aliyê dewlet û
hikûmetan ve ji bo tasfiye û tunekerinê hat
xwestin bê bikaranîn. Bi vî rengî jî afirandina
atmosfera aştiyê ya ji bo çareseriyê bêhtir,
pevçûn, di qadên siyasî û leşkerî de operasyon
derketin pêş. Beyî ku em biçin demên gelekî
kevin û pêwîstî bi dayina mînakan jî nîne. Tiştê
piştî 13'ê Tebaxê hate jiyîn vê yekê bi zelalî
piştrast dike.
Piştî 13'ê
Tebaxê operasyonê bi armanca tunekirinê yên
leşkerî berdewam kirin û nêzî 30 gerîla hate
qetilkirin. Çiyayên Dêrsimê mîna herêmên qedexe
hatin îlankirin, çûn û hatina wan hate
qedexekirin. Li bajarên Colemêrg û Şirnexê bi
şêwazekî Qanûnên Rewşa Awarte hatin meşandin. Di
16'ê Îlonê de li gundê Peyanîsa Colemêrgê zarok
jî di nav de 9 gundiyên welatparêz ên kurd di
encama êrîşa bi mayinê de hatin qetilkirin û 4
gundî jî bi giranî birîndar bûn.
Li beranberî van
tiştan tevan bi rengekî mafdar rêveberên KCK'ê
pêwîstî dîtin balê bikişînin gavên bêne avêtin û
afirandina baweriyê. Li gorî ji vê yekê tê
fêmkirin jî dirêjkirin an şêwazê dema pêş ê
pêvajoya bêçalakîbûnê bi giştî girêdayî hikûmeta
AKP'ê ye.
Gelo hikûmeta
AKP'ê dê karibê vê yekê pêk bîne?
Ji niha de di vê
mijarê de ne rast e ku tiştek bê gotin. Lê divê
ev yek ji aliyê raya giştî ya demokratîk û
derdorên ku dixwazin çek bêdeng bibin ve bê
şopandin. Ji ber ku rêveberên KCK'ê pêwîst dîtin
ku rave bikin di biryara girtine de bangên van
dedoran jî roleke girîng leyistiye.
Di rojên dawî de
payebilindên dewletê; ji serokomar, wezîrê karê
hûndir, heta bi Musteşarê MIT'ê û hwd. li qada
navneteweyî di tevgerê de ne. Ev çûn û hatin,
hevdîtin çi ne, tên çi wateyê? Ev ne hêzên
çareseriyê yên ji bo pirsgirêka kurd in.
Berovajî heta niha aktorvaniya polîtîkayên
tunekirin û înkara kurd dikirin.
Rayedarên dewlet
û AKP'ê di hevdîtinên bi van derdoran re PKK
xistin navenda rojevê. Di daxuyaniyên hatin
dayin de destnîşan dikin ku "plana tasfiyekirina
PKK'ê xistine dewrê". Di vê çarçoveyê de ketine
nava tevgerê. Ketine nava lêgerîna avakirina
baregeha leşkerî li başûrê Kurdistanê û
avakirina herêma tampon a li sînor. Dîsa piştî
biryara bêçalakîtiyê ya PKK'ê di 13'ê Nîsana
2009'an de bi rojekê di 14'ê Nîsan a 2009'an de,
piştî biryara 30 Îlona 2010'an bi rojekê di 1'ê
Cotmeh a 2010'an de operasyonê tevkujiya siyasî
dan destpêkirin.
Di pêvajoyeke ku
rêveberên KCK'ê biryara dirêjkirina bêçalakîtiyê
aşkera kirin de hevdîtinê bi vî rengî,
daxuyaniyên têne kirin, amadekariyên pêk tên,
êrîşên tevkujiya leşkerî û siyasî xeternak in.
Ji ber vê yekê daxuyaniyên rayedarên dewlet û
hikûmeta AKP'ê, afirandina hawireke aştiyane ku
daxwaza raya giştî ya demokratîk û derdorên
alîgirên bêdengiya çekan dixe nava talûkeyê.
Raya giştî ya
demokratîk û hemû derdorên dixwazin hawireke ji
bo çaseriya aştiyane ya pirsgirêka kurd û
demokratîk bê afirandin divê van helwestên
dewlet û hikûmeta AKP'ê bibînin û li hemberî vê
yekê bibin xwedî helwesta ku pêwist e. Ev
helwest xwedî girîngeyeke mezin a bi tu awayî
divê neyê taloqkirin û li holê bê hiştin e.
Rêveberên KCK'ê
bi nêzîkatiyên xwe diyar kirin ku cidî û dilsoz
in. Çareseriya demokratîk ya pirsgirêka kurd û
gavên ji bo vê yekê bêne avêtin daxwaz dikin.
Daxwaziyên wan gelekî maqûl û di çarçoveya mafên
mirovan ên bingehîn ku kes nikaribe li dijî
derkevin e. Heke ev pêk neyên mîna agirbest û
bêçalakîbûnên beriya niha dê heman aqûbet bê
jiyîn. Lê belê encamên vê carê dê ji yên demên
borî gelekî cudatir bin.
Daxuyaniya 30'ê
Îlonê ya ji aliyê rêveberên KCK'ê ve hate kirin,
tê wateya afirandina şert û mercên ku Tirkiye
bikeve pêvajoyeke nû. Her wiha tê wateya
pêvajoyeke ku gavên dualî bên avêtin. Li vir
aliyek bi tenê heye ku divê gavan biavêje û
baweriyê biafirîne. Ew jî ji dewlet û hikûmeta
AKP'ê pê de ne tu kes e. Dewlet û hikûmeta AKP'ê
dê çiqasî pêwistiyên vê yekê pêk bînin.
Dê çiqasî
karibin provokasyonên mîna operasyonên piştî
13'ê Tebaxê ku 30 gerîlayan jiyana xwe ji dest
da û tevkujiya li gundê Peyanîs a Colemêrgê
asteng bikin? Em ê di rojên pêş de bibînin.
Cemîl Bayik
|
