Cemaeta Fetullah GULEN, Çete Yeke Ku Tirk Û Emerîka Ji Bo Armancê      Xwe Çêkirine.
                                                    
 

RUBAR PÎRAN   

Cemaeta Fetullah Gulen di çarçuva pîlan û li hevkirina ergenekona tirk û giladiyo ya  NATO yê de hatiye damezirandin. Fetullah Gulen tê gotin ku esle xwe Kurd’ e  û demekê li berdestê SEÎDÊ Kurdî li medresan ders dîtiye.

Tê zanîn ku Seîdê Norşînî ji ber oldarek rast û nîştiman perwer bû û di çarçuva dînde mafê gelê Kurd di anî ziman û di parast, ji ber vê helwesta wî ya netewî û oldarî, tiştek nema ku dewleta tirk bi serê Seîdê Kurdî ne anî.

Piştî ewqas koçberî, girtin û îşkince kirin, Seîdê Kurdî ji qehir, kul,  zexit û zora ku dewletê lê kiribû jiyana xwe ji desda, ji bo qebra wî nebe weke ziyaret û gelê Kurd neçê serdana wê zîyaret gehê, dewleta tirk cenazê Seîdê Kurdî, ji malbat, nas dostên wî stand û bi dizî li deverek ku heta niha ji nehatiye zanîn veşartin yan ji hatiye avêtin.

  Fetullah Gulen weke ku xwe şopdarê Seîdê Kurdî dide nîşan û gotinek ya xwe de dibêje; ‘‘ji berku mirovek zanabû min dixwast ez tişta ji wî fêrbibim, dema her kes diçû destê wî maç dikir lê min tucara destê wî maç nekir, ji berku min qet ji wî hezne dikir.’’

   Başe dema Fatullah Gulen vê tiştê dibêje, dixwaze çi peyamê bide û pêwîste em weke Kurd û oldar vê çawa fêmbikin. Ya yekem tê diyarkirin ku, ka Fetullah û cemaeta xwe çiqas bi kuranî dijmin û dijberê Seîdê Kurdîne, ya duyemîn ji, Fetullah Gulen di vê gotina xwede dide xwûyakirin ku, ka çiqas bi her şêweyî dijminê Kurd û Kurdistane û bi her awayî dijminê hebûn û mafê gelê Kurd e.

Ya sêyem jî cemaeta Fetullah, dîndarên sextekarin, dijberê ola îslamêne û tenê wê weke gotin bi kartînin, ji bo armanç û daxwazên xwe xelkê dixapînin.

  Ger ev tiştên ku me li ser Kurd û ola îslamê gotine ne rast bûna, wê Fatullah û cemaeta xwe ew qasî dijminatiya Seîdê Kurdî ne dikir. Ji berku Seîdê Kurdî, qasî ku oldarek rast û paqij bû, ewqas jî nîştîman perwerek bû. Di bin her şert û mercade mafê gelê Kurd yê civakî û siyasî di parast.

Ji ber wê jî F.Gulenê ku niha dilxwede dibêje ez şopdarê Seîdê Norşînî me, xwe û cemaeta xwe weke dîndarên rastî dide nîşan û carna jî pir bi sextekarî bêji, behsa Kurd û hebûna kurd dike. Her wisa li herdevera cîhanê dibistan û zanko yên ku vekirine, perwerdê di dibistan û zanko yên zimanê wê civakê û çend zimanê din  perwerdê didin xwendekarên xwe, ev cemaeta F. Gulen; dibistan û zanko yê li herêma Kurdistan ê vekiriye, ziman ê kurdî nasnakin û perwerdê bi zimanê  kurdî nadin xwendekaran. Hetali hemû dibistan, zanko û cihên wan yên xwendekar lê dimînin axaftina bi kurdî qedexeye, kesek baxivê  ji lêdanek gelek xirap lê dikin û ji nav xwe di avêjin. Ji berku ewqas dijminê hebûna kurdin ku debara wan nayê ku gotinek kurdî ji bibihîzin.

Yadin ji Gulen ê ku xwe û cemaeta xwe parazvanê ola îslamê dide nîşan, li Emerîka alyê parêzgeha(eyaleta) pensilvanya yê rûniştiye û ola îlamê li gorî berjewendî û daxwaza Emerîka yê di parêze. Ger parazvanek rast yê ola îslamê ye çima ne li welatek yê civaka wê îslamê namîne? Lê li welatek yê ku niha ji bo têkbirina îslama rastî hertiştî dike dimîne? di virade tê diyarkirin ku çiqas oldarek sexteye û ola îslamê ji bo armanç û daxwazên ketxwarên cîhanî bi kartîne, çawe dibe ku cemaet û F Gulan ê evqas dijminê kurd û îslamê bin û bêjin em li ser şopa Seîdê Kurdî ne.

Ji bo Gulen û cemaeta wî dibe, ji berku cemaetê F Gulen bi vê sextekariya xwe ji nemaye, ewqas dijmintîyek kur, bê pîvan û bê ehlaq dikin ku mînaka wê tu deverê cîhanê tuneye. Yêk ji van mînaka ewe ku hemû gotinên ku di pirtûkên Seîdê Kurdî li ser Kurd û Kurdistan û rastiya îslamê hene, lê gohartine, li şuna wan gotin û hevûkan tiştên pir cûda nivîsîne, bi vî awayî ew pirtûk ji nûve çapkirîne û li oldarên îslamî û bi teybetî ji li gelê kurd, bi navê Seîdê Norşînî hatîye belavkerîn. Vî karê xwe yê sexte jî di bin navê heskirin û şopandina Seîdê Kurdî de dike. Bê guman ger kesek pirtûkên Seîdê Kurdî yên resen ne xwandibin, yan ji nexwînê nizane ku evê cemaetê ev pirtûk çawa bi bêbextî  û bi dijminane gohartiye. Bi vê xiyaneta xwe ya li himberê Seîdê Kurdî dike, dixwaze bi vê yêkê daxwazên xwe yên xirap bi civaka û bi teybetî jî bi civaka kurd bide pejirandin.

ji berwê jî fikir û ramanên kesayetên kurd, yên ku di nav civaka kurd de tên naskirin û hezkirin, berevajî dikin û pêşkêşî civakê dikin.

Bê guman ev cemaet ne tenê di mijara Seîdê Kurdî de rastiya berevajî dike, di hemû mijarên de armanca wan berevajî kirina rastiyane. Mînak dibêjin mala hezkirinê û zarokên kurd yên ku dewletê bi zext û zora xwe ew perîşan kirine, digirin wan mala û bişavtinêre derbas dikin û dikin tirkek wisa ku dijminatiya eslê xwe bike, di encamê de kesayetên bê esîl û bê ehlaq derdixini holê. Dîsa li gelek welatên cîhanê, qaşo zankoyên vê çeteya Fetullah hene, ev zanko ji bo belavkirin û pêşxistina pan tırkîzmê bi kartînê, di wan qaşo zankoyan de jî, ne zanist û zanînê dide xwandekaran. Despêkê xwandekarên feqîr, bi teybetî jî yên kurd di bin navê bors de, pere û derfetan didin wan, piştî demekê wan şagirtan weke dîlên destê xwe dibînin û dixwazin her yek wan weke qadroyek yê cemaetê bi kar bînin, yên ku piştî demekê bi vêyêkê di hesên, dixwazin derbikevin jî, lê şert û mercên wisa datînin pêşiya wan ku qet nikarin xwe bi hêsayî ji wê çete yê rizgarbikin. Ji berku di despêkê de peymanê bi wan didin îmzakirin, ew kes jî dizanin ku ev zankoyek asayî ye û wê xwandina xwe bidomînin, lê nizanin ku ew cihê perwerda qadro çêkirina cemaetê ye û zankoya ku tirken spî çêdike(kesen ku ji netewên din bûne tirk) û pantirkîzmê li cîhanê didin belavkirin. Pantirkîzim jî armanca xwe ewe ku her kesî bike tirk û deshilat, çanda tirkîtiya spî(tirken sexte) li cîhanê serdest bike, yêk jî xebata vê çeteya Fetullah gulen ya herî bingehîn jî eve, jî bû bigihêji vê armanca xwe, li ser du beşan dileyîze, yêk ola îslamê ye, ya din ji têkbirin û tûnekirina gelê kurde. Ji berçi van herdu beşan dike armanç, ji ber sedema ku dewleta tirk û dewletên yekgirtî a Emerîka li hevkirin û ev çete damezirandin, ji bo dewleta tirk milê herî girîng, tûnekirin û têkbirina gelê kurde, her wisa bilavkirina pantirkîzmê ye, ya duyem ji bi karanîna ola îslamê ye. Emerîka jî bi vê cemaetê, hem îslama ji derveyî kontrola wê maye bê bandur bike û kedî bike, hem jî bi rêya vê çeteyê xwe li asya navîn bi cihbike û destê xwe bavêji nava Rusiya û Çînê. Li ser vî bingehî Emerîka bi deh milyaran dolar derfetên madî pêşkêşî vê çeteyê kirine. Dewleta tirk, ya ku di salên 80 de ji aliyê faşîzma Kenen Evren ve dihat meşandin, wan derfetên xwe rêxistin kirin û bi destxistina endaman wê bidaya  vê çeteyê. Bê goman ev derfet bi teybetî ji li kurdistanê ji vê çeteyê re hatine dayîn, ji bo dewleta tirk hevkariya xwe ya bi çeteya Fetullah gulen re veşêrê û vê cemaetê bi civaka dijî û sîstema tirkiye yê bide heskirin û bawerkirin, ev çeta ku di bin navê Fetullah gulen de hatiye avakirin. Li tirkiyê weke qedexeye û li dijî dewleta tirke, dadgehên sexte, biryarên derew dan û propaganda kirin ku Gulen û çetê xwe li dijî dewleta tirk û tirk bûnêye. Bi van derewên xwe, xwastin vê çete yê bi civakê û bi teybetî jî bi civaka kurd bidin hezkirin, ji berku ev dihat zanîn ku kes, rêxistin û cemaetên dijî vê pergalêbin, gelê kurd bi çavek erênî lêdinêri, jiber wê yekê jî, vê cemaetê xwe weke dijî vê pergalê û derveyî vê pergala dewleta tirk xwest bide diyarkirin, ji alyê dinve jî derfetên pir mezin yên madî di des wande hebûn, bi vî awahî xwe di nav civaka tirk û kurd de heta asteki bi cihkirin. Dema ku El qayîde li Afganîstanê ji bo dijî Artêşa Rusa şerbike hatibû amadekirin, ev çeta F gulen jî di wê demê de dihat amadekirin, ev çeta gulen jî, hat amadekirin ku ji bo cihên cûda û bi rêbazên cûdatir xizmetê ji siyaseta Emerîkayê re bike.  Emerîkayê jî dixwest bi vê cemaetê bandora Rusa ya li ser Asya Navîn bişkînê û siyaseta xwe li Asya Navîn bi cih bike, piştî wê jî bi rêka vê cemaetê deste xwe bavêji kêmnetewên ku îslamîne û di nav federasyona Rusya yê de dijîn, rêxistin bikin û li dijî dewleta Rusa rakin, bi vî awahî Rusya yê li gorî xwe bê bandor bike. Ji alyê din ve jî kêmnetewên îslamî yên dinav komara Çînê de hene,rêxistinbike û vana jî li himber dewleta Çînê bi karbînê, bi vî awayî herdû dewletên ku bandora wan li ser cîhan û bi teybetî ji li ser Asya Navîn heye, bê bandor bike û siyaseta xwe li wê herêma ku xwedî dewlemendiyêk zêde ya gaza xwezayî ye dixwazê xwe serwer bike û bixê bin deshilatiya xwe.

Ji ber vê yêkê ye ku federasyona Rusya yê hemû kar û xebatên vê cemaetê qedexe kirin û pirtûkên Seîdê Kurdî yên ku naveroka wan li gorî xwe goharti bûn qedexe kirin.  Di encama têkoşîna gelê kurd de, pergala tirkiyê ya li ser tunehesibandina kurd hati bû avakirin, hêdî rizyabû û têkçûnek mezin dijiya, yan wê şûna wê pergalê, pergalek azad û demokratîk bihatiba damezirandin, yan ji wê pergala kevin bi rengê cûda bihatiba reng kirin, ev rengê ku nû li ser pergala kevin hatiye xistin, wê rengê kesk bûya, temsîla vê îmaja nû ji  AKP’e ya ku Erdogan serkêşiya wê dike wê bikira.

Bê goman her çiqas navê vê hikûmetê, hûkmeta ‘akp’ ê bejî û navê serok wezîrê wê jî Erdogan be, lê em baş dizanin ku yê vê hikûmetê bi rêvedibin, Fetullah gulen û çetê wêne. Bi vê çetetiya xwe ji, bi girtina siyasetmedar, şaredar û wekîlên gelê kurd didin girtin, bi hêcetin cûda û derew nîvê şevê çeteyên xwe yê polîs ajotin ser mal û saziyên kurda û her kesê ku bikevê pêşya wan digirin û bê dadgeh bi salan diavêjin zîndanan. Ev ji dide xwiya kirin ku ev çeta ku bi peymana tirk û Emerîkayê hatibû damezirandin çawa li tirkiyê bûye serdest, dewletên yekgirtî yên Emerîka jî dixwazê, yan ji wisa dide nîşan ku di kesayeta T. erdogan de, ji bo goharînên ku di cihana Ereb de dibin bikin nimûne. Çawa ku salên 2000 ê bi serkêşiya Erdogan, bi navê ‘AKP’ ê pêşî li azadî û demokratîkbûyîna tirkiyê girtin, vêcarê ji dixwazin bi vî rengî pêşî li şoreşên civakî yên gelên Ereb bigirin û vê goharînê li gorî berjewendi yên xwe araste û encam bikin. Lê ev hêdî misogere ku maske vê çeteyê ji aliyê tevgera kurd û gelê kurd ve hatiye xistin û hêdî hemû derew û sextekariyên wê  di kesayeta Erdogan û gulen de derketiye holê. Çawa ku yê Bînladîn û Elkayîde derxistin û bi karanîn, piştî ku kare xwe pêqedandin, yan jî dema ku hêdî kêrî kare wan nehat, ew weke terorîstên herî mezin û xeter bi navkirin û li dijî wan şerkirin, encama ku ev çeta gulen jî biçê wê ji vê cûdatir nebe. Çawa ku li Afganîstanê hikûmet Telîban bû, lê gotin ya Elqayîdê bû, li tirkiyê jî hikûmet ‘Akp’  ye lê gotin proje yê cemaeta F gulen e. Emerîka jî, ji rewşa BînLadîn pêzanîn(tecrûbe) girtine, ewan Bînladîn avêtin Afganîstanê û gotin ji mere xizmet bike, lê dîtin ku ji însiyatîfa wan derket û heta astek ji wanre bû bela, ji bo ku ev di çeta Fetullah gulen de dûbare nebe, Emerîka ew li pensîlvanya yê dîl girtiye û rojane di bin destê wandeye û ji wî hesabê deh milyara dolar dixwazin û jêre dibêjin ‘‘ka te bedêla deh milyaran dolar çi xizmet kiriye û tuyê çi xizmet bikî’?  ji ber wê jî ew niha dîl û xulamê ber destê modernîta kaptalîst e, ji wira jî fetwa li ser fetwa yê dide çetên xwe yên ku Erdogan serkêşiya wan dike û dibêji kurda û misilmanên rastîn qir bikin. Ji berku kesayetek bê esle, van fetwa û daxwazên xwe jî, bi rih û nefretek mezin dike û bi vî rengi xulamtiya xwe, ji modernîta kaptalîst re peyt dike.