|
Dema dibêjin
9 ê Cotmehê, rojekî reş û tarî tê bîra her
Kurdekî. Ji ber ku wê rojê şahidî ji bûyerekî
reş û xembar re kiriye. Ji lewra di dîroka gelê
Kurd de roja 9 ê Cotmehê weke rojekê bi êş û
tarî tê zanîn.
Hêzên dagirker û
serdest digotin ku di 9 ê Cotmehê de em ê bi
ewrek tarî ser gelê Kurd bipêçin ku ew êdî ti
caran nekare şewqa rojê hembêz bike. Lê belê ev
hesabê wan ê zexel û xasûk xelet zivirî û negirt.
Ji ber ku ti caran ewr nikarin demek dirêj li
pêşiya şewqa rojê bimînin û wê ti caran roj
ronahî û şewqa xwe winda neke.
Raman û
birdoziya Rêber APO jî ji gelê Kurd re mîna
şewqa rojê ye. Gelê Kurd bi vê şewqê ronî dibe,
rêka xwe û rêça xwe dibine. Çawa dema roj
tîrêjên xwe dide û ti taritiyan nasneke, çawa ku
zindî û xweza bê rok jiyan nakin, gelê Kurd jî
bêyî Rêbertiya xwe jiyan nake. Ji ber ku gelê
Kurd azadî û serfiraziya xwe di raman û
birdoziya Rêber Apo de dibîne.
Rêber Apo dîroka
gelê Kurd a ku serberjêr diçû berovajî kir, gelê
Kurd ji nûve kir xwedî çav, raman û giyan. Rêber
Apo gelê Kurd ji bin tirbên betonkirî derxist,
rakir ser piyan û kir xwedî rêxistin. Ji lewra
bû hedefa êrîşên dagirker û mêhtîngeran. Hêzên
dagirker digotin çawa ku me di dîrokê de 28
serhidanên gelê Kurd tinekirine, em ê vê
serhildana dawîn jî tine bikin. Di gotin me çawa
Seyît Riza û Şêx Seîd û tevgarên wan tine
kiribin, em ê vê ji wisa bikin. Armanca plana
wan ew bû ku Rêber APO bigrin û wî jî gel û
Tevgera Azadiyê veqetînin. Bi vê awayî ser ji
gewde veqetînin. Ger ev plan bê serxistin wê
cardin laş û gewdeya bê serî bikeve tirbê de. Lê
Rêber APO bi raman û birdoziya xwe ev hesabên
qirêj û dekûdolabên komplogeran vala derxist.
Rêber Apo bi
pêşbîniya xwe rê neda ku ev komplo serbikeve. Bi
helwestê xwe û bi xozaniya xwe tevahî listik pûç
kir. Lê Rêber Apo tenê bi vala derxistina van
planên qrêj re bi sînor nema, di heman demê de
vegira pergala serdest bi kûrahî dahûran. Bi vî
awayî paradîgmaya pergala modernîst bihûrand.
Rêber Apo paradîgmaya xwe ya nû bi tekoşîna
azadiya gelê Kurd re gehande pergalek rêkûpêk.
Roja îro ev pergala nû alternatîfa pergala
serdest û dewletparêz e. Di heman demê de ev
pergal dibe malê tevahî gelên azadixwaz. Bêgûman
ev yek bi berdêlek gelek mezin û bêhempa pêkhat.
Li ser vê yekê ev destkeftî hatine bidestxistin.
Di roja me ya
îro de jî hêzên dagirker di her alî de çi bi
rêbazên eşkere û çi jî yên veşartî li hember
Kurd siyasetek qirêj dimeşînin. Lê weke me li
jor jî diyar kir, raman û bîrdoziya Rêber APO
bûye malê gelê Kurd, mina pergalek nûjen bûye
rêxistin. Wê ti hêz nekaribin vê pergalê û
rêxistina gelê Kurd têk bibe. Wê ti palanên qrêj
li hember rastî û têkoşîna gelê Kurd bi
sernekeve.
Jibo em bikarin
rojên reş ên weke 9’ê Cotmehê vala derxin û
hesabê dijminan têk bibin divê em li erkê xwe
xwedî derkevin. Divê her Kurdek li hember vê
rûreşiya dîrokî bibe xwedî helwest. Tê xwestin
em tekoşînek gelek girantir bikin. Eger ku weke
gelê Kurd em tekoşîna xwe xurt nekîn, xwedî li
rêbertiya xwe dernekevîn em nabîn xwedî
pêşerojek azad û ronî. Rêber Apo ji bo me di
taritiyê de bûye ronî û ji tunebûnê em anîne
hebûnê. Jibo em di jiyanê de bê mafî û bê
hûqûqiyan re rûberû neyên, pêwîste em erkên ku
ji me tê xwestin bê kêmasî bicihbînîn.
Herwiha em weke
jinên Kurd çiqas bi komploya 9’ê Cotmehê êşabin
divê li hember hemû êrîşên derve û hindir em
tekoşîna xwe geşbikin. Ji ber êrîşên pergala
serdest û dagirker di heman demê de êrîşên li
dijê azadiya jinê ne. Komploya li dijê Rêber Apo
û gelê Kurd, di heman demê de koploya li dijê
jinên azadîxwaz e. Ji lewra ta ku em bigehîn
armancên xwe divê em roja reş a 9 ê Cotmehê
şermezar bikin û lîstokên komlogeran vala derxîn.
Selamet Erdogan
|
