|
Armanca
Komploya 9 ê Cotmehê Şinadina Vîna Gelê Kurd e
Di dîroka her gelî de bi tevê rojên cejn û
şahiyan, rojên bi êş û reş jî hene. Ji bo gelê
Kurd jî 9 ê Cotmehê weke rojeke lanet, bi êş û
tarî derbasê dîroka wê ya nêzîk bûye. Her çiqas
bi tevahî aliyên xwe ve nehatibe zelalkirin jî
lê îro bi awayek berfereh rastiya pişt perdeya
pêvajoya 9 ê Cotmeha 1998 an ji aliyê Rêber Apo,
Tevgera Azadiya Gelê Kurd û ji aliyê gelê me ve
hatiye deşîfrekirin û eşkerekirin.
Nûnerên pergala desiladar û mêhtîngeriya
navnetewî ji bo ji nûve Rojhilata Navîn li gorî
berjewendiyên xwe sererastbikin, ji salên 1990 î
pêve gelek mudaxale li heremê kirin. Ji bo vê jî
konseptên cûrbecûr pêşxistin û pêkanîn. Destpêka
yek jê ji van konseptan di 9 ê Cotmeha sala 1998
bû ku bi awayê planek qrêj kete meriyetê. Di
serî de DYA, İngîltere û İsraîl, hêzên pergala
serdest bi awayek dij-huqûqî Rêberê gelê me
Rêber Apo û Tevgera Azadiya gelê Kurd kirin
hedef. Li gel vê dihate plankirin ku hevsengiya
li heremê ji nûve were sererastkirin. Armanca
komplogeran şkînandin û teslîmgirtina vîna gelê
Kurd bû.
Ji 9 ê Cotmeha sala 1998 an heya 15 ê Sibata
sala 1999 an di warê gelê Kurd de pêvajoyek mîna
kabûsê hate jiyankirin. Di nava vê pêvajoyê de
rûyê rast ê tevahî hêzên ku di vê konseptê de
cîh digirtin eşkere bû. Bêyî ku ti qanûn,
prensîb û axlêqê mirovahiyê bê berçav girtin
Rêberê gelê me hate hedef girtin. Li her deverê
hate vederkirin, derî jê re hatin girtin. Van
hêzan xwestin bêrûmetiyê bisepînin. Di encam de
pêvajoya komploya 9 ê Cotmehê bi bûyera 15 ê
Sibatê encam bû ku di wê demê de Rêberê me bi
awayek korsanî hate revandin û ew radestê
dewleta Tirkiyê kirin. Îro her kesek baş dizane
ka ev lîstok gavbigav çawa hate lîstin, kîjan
hêzan ji bo kîjan berjewendiyên xwe di nava vê
lîstokê de cîh girtin.
Ev 13 salin di serî de Rêberê me û gelê me û her
wiha Tevgera Azadiya Gelê Kurd ji bo vala
derxistina vê komployê tekoşînek bê hempa
dimeşîne. Hêzên komploger di seranserê van 13
salan de, di serî de bi avakirina sîstema
İmraliyê re polîtîkayek gelekî sostret, ketî û
qrêj meşandin. Ji bo gehiştina hedefên xwe serî
li her awayê kiryarên dij hûqûqî dan. Êrîşên xwe
yên heralî domandin. Lê em dikarin bi rehetî
bêjin ku komploger mîna roja yekem bûye, îro jî
ji gehiştina hedefên xwe dûr in. Ji lewra Rêberê
me di Sibata 2010 an de mizginî da gelê Kurd û
got “ez mizgînî didim gelê xwe ku komplo bi ser
neketiye.” Ji îro pêde jî wê gelê me bi tevahî
hêza xwe ve li dijê her awayê komplogeriyê
tekoşîna xwe bi israrek mezîn bimeşîne û xwedî
li rûmetên xwe, nirxên xwe, azadiya xwe û vîna
xwe derbikeve. Gelê me dizane ku rêber Apo
nûnerê rûmet, azadî vîn û nirxê wê ye.
Bi boneya 13. salvegera 9 ê Cotmehê em cardin
weke Yekîtiya Gaziyên Kurdistanê, tevahî hêz û
dewletên ku di nava komploya navnetewi de cîh
girtine şermezar dikin. Em dibêjin ku em ê ji
her demê zêdetir bi xwedî derketina erkên xwe
bersiva pêwîst bidin xwedanên plangeriya 9 ê
Cotmehê. Ti kes nikare me bê vîn bike û ti kes
nikare me ji Rêber Apo dûr bixe.
Herî dawî de em weke Yekîtiya Gaziyên Kurdistanê
êrîşên li dijê deng, çav û zimanê gelê me Roj tv
ku ji aliyê komplogeran ve tên lidarxistin
şermezar dikin. Divê herkes baş bizane ku Roj Tv
yek jê nirxê herî pîroz ê gelê Kurd e û wê gelê
me jî vê nirxê xwe bi her awayî biparêze.
-Bijî Rêber Apo
-Lanet li komplogeran.
Yekitiya Gaziyên Kurdistanê
|
